Aravot.am-ը ԵՊՀ հասարակայնության հետ կապերի եւ լրատվության վարչության պետ Կարեն Գրիգորյանին խնդրեց մեկնաբանել «Ժողովուրդ» օրաթերթի հրապարակած այն տեղեկությունը, թե ԵՊՀ մի խումբ լաբորանտներ ու վարչական բաժնի աշխատակիցներ պատրաստվում են աշխատանքից ազատման դիմում գրել, քանի որ ռեկտոր Արամ Սիմոնյանը խոստացել էր 2014-ի ընթացքում բարձրացնել բուհի աշխատակիցների աշխատավարձը, սակայն, հարցը մնացել է առկախ:
ԵՊՀ հասարակայնության հետ կապերի եւ լրատվության վարչության պետը ասաց, որ առաջին անգամ է լսում, որ մի խումբ աշխատակիցներ ցանկանում են դիմում գրել: Քիչ անց էլ հավելեց. «Եթե ուզում են, թող գրեն, հետո կմեկնաբանենք, կքննարկենք իրենց հետ: Կարծում եմ, որ թյուրիմացություն է, ուղղակի ստահոդ լուրեր են տարածվել, որովհետեւ բոլորի համար պարզ է, բազմիցս էլ այդ հարցը քննարկել ենք: Բոլորը գիտեն, որ նախորդ տարվա սեպտեմբերի մեկից դասախոսների հավելավճարները բարձրացել են, այս տարվա հունվարի մեկից էլ աշխատավարձերն են բարձրացել: Թե հիմա ո՞ւմ աշխատավարձը չի բարձրացել, պարզ չէ: Որ այդպես է, թող դիմում գրեն, կիմանանք, խոսքն ում է վերաբերվում»:
Գոհար ՀԱԿՈԲՅԱՆ
Եթե ռեկտորի հովանավորյալ զառամյալներն ու արդեն իսկ թոշակի տարիքում գտնվողները գնան, ապա աշխատավարձերն ինքնըստինքյան կբարձրանան: