Կառավարությունը «Ֆլեշ» ընկերության հաշվեկշռում կթողնի 298 միլիոն 446 հազար 210 դրամ: Այս գումարը, ինչպես նշված է կառավարության կայքէջում, հողօգտագործողներին մատչելի գներով դիզելային վառելանյութի կառավարության աջակցության ծրագրով չիրացված 3316069 լիտր վառելանյութի սուբսիդիան է:
Վաղը կառավարության հավանությանը կներկայացվի «Ֆլեշի» հաշվին թողնվելիք այդ գումարի վերաբերյալ առաջարկությունը: «Ֆլեշի» հաշվին այդ միլիոնները թողնվում են, որպեսզի ծրագրով այս տարի շարունակվի մատչելի գներով դիզվառելիքի բաշխումը:
Բացի այս, ըստ կառավարություն ներկայացրած առաջարկության, «Ֆլեշը» նաեւ պարտավորվում է այս տարի ներկրել 14325496 լիտր դիզելային վառելանյութ եւ այս ծրագրով սահմանված գնով վաճառել Հայաստանի մարզերի համայնքների հողօգտագործողներին: Վառելանյութի վաճառքի գինը, ինչպես նշված է կառավարության կայքէջում` 1 լիտրը` 350 դրամ է, իսկ 1 հեկտարին` մինչեւ 200 լիտր վառելիք է հասնում, առավելագույնը` 600 լիտր:
Կարդացեք նաև
Նելլի ԲԱԲԱՅԱՆ
