Հատված ՀՀԿ խորհրդարանական խմբակցության անդամ ՄԿՐՏԻՉ ՄԻՆԱՍՅԱՆԻ հետ հարցազրույցից:
-Հովիկ Աբրահամյանի հայտարարությունը, թե Հանրապետականը պատրաստ է հանձնաժողով ստեղծել «գազային թնջուկները» քննարկելու եւ հանրության շրջանում առկա մտահոգությունները փարատելու նպատակով, տարաբեւեռ մեկնաբանությունների արժանացավ։ Ինչո՞ւ ՀՀԿ-ն հանկարծ «մտափոխ եղավ»։
-Որքան գիտեմ, խոսքը վերաբերում է ոչ թե ժամանակավոր հանձնաժողովի ձեւավորմանը, այլ, ավելի շուտ, աշխատանքային խմբի, որտեղ ընդգրկված կլինեն տարբեր քաղաքական ուժերի ներկայացուցիչներ, մասնագետներ, փորձագետներ, այդ թվում՝ ընդդիմության կողմից հրավիրված, որպեսզի յուրաքանչյուր քաղաքացու առնչվող այս խնդիրը մասնագիտական ուսումնասիրության առարկա դառնա, ոչ թե քաղաքական շահարկումների։
Իհարկե, հարցը բազմիցս քննարկվել է ե՛ւ Ազգային ժողովում, ե՛ւ մամուլում, պաշտոնատար անձանց կողմից տրվել են համապատասխան բացատրություններ, հիմնավորումներ։ Բայց եթե այսքանից հետո էլ մարդկանց մեջ մնացել են անպատասխան հարցեր՝ կապված «ՀայՌուսգազարդի» 20 տոկոս պետական բաժնեմասի օտարման եւ գնագոյացման հարցերի հետ, պիտի փորձենք հասկանալ՝ անհանգստության, տագնապի հիմքեր կա՞ն, թե՞ ոչ, ինչը ինչից հետո է եւ այլն։
Կարդացեք նաև
Այսինքն՝ լրացուցիչ քննարկումների, վերլուծությունների, պարզաբանումների անհրաժեշտություն կա։ Ե՞րբ, ինչ ձեւաչափով՝ կորոշվի քաղաքական քննարկումների արդյունքում։
Լիլիթ ՊՈՂՈՍՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում