«Human Rights Watch» իրավապաշտպան կազմակերպությունը Թուրքիայի կառավարության կողմից «YouTube» և «Twitter» կայքերի արգելափակումը «խոսքի ազատության իրավունքի և տեղեկատվության հասանելիության համար աղետալի հետևանքներ ունեցող քայլ» է անվանել:
Կազմակերպությունը հորդորել է Թուրքիայի իշխանություններին վերականգնել օգտատերերի մուտքի իրավունքը դեպի անցյալ շաբաթ արգելափակված «YouTube» և «Twitter» կայքեր:
«Human Rights Watch»-ի համաձայն, նման սահմանափակումները խախտում են Թուրքիայի կողմից մարդու իրավունքների միջազգային օրենսդրության ներքո ստանձնած պարտավորությունները, ինչպես նաև Թուրքիայի օրենքները:
Թուրքիայի իշխանությունները նախօրեին արգելափակել էին մուտքը դեպի «YouTube» կայքն այն բանից հետո, երբ այնտեղ հրապարակվել էր Թուրքիայի արտգործնախարարի և բարձրաստիճան այլ պաշտոնյաների կողմից Սիրիայում ռազմական գործողությունների իրականացման քննարկման ըստ էության «արտահոսված» ձայնագրությունը:
Թուրքիայում դեպի «Twitter» սոցիալական կայք մուտքն արգելափակվել էր անցյալ շաբաթ, երբ միկրոբլոգների հրապարակման համար այս կայքն օգտագործվել էր Թուրքիայի վարչապետ Ռեջեփ Թայիփ Էրդողանի և իր որդու նկատմամբ կոռուպցիայի մեջ մեղադրանքների ձայնագրությունը տարածելու համար:
Մանրամասները կարող եք կարդալ` «Ամերիկայի ձայն» ռ/կ-ի կայքում
