Համացանցային տեսանյութերում աչքի ընկած, Ղրիմի ինքնապաշտպանության վաշտային հրամանատար Սամվել Հովսեփյանը պարզվել է այն մարդը չէ, ում անվան ներքո ներկայանում է, գրում է «Ցենզոր.նեթ»-ը:
Սամվելը հայտնի է դարձել, երբ Սիմֆերոպոլում բոլորի աչքի առաջ ծեծել է Կիևի միլիոնատեր Գենադի Բալաշովին և Օդեսայի պատգամավոր Ալեքսեյ Գոնչարենկոյին: Նա նաև հայտնի է լրագրողներին ծեծելով, օրինակ՝ վերջերս Ղրիմի լրագրող Օսման Փաշաևն ու նրա արտասահմանցի ընկերներն էին դարձել Սամվելի զոհը:
«Գրոշի» լրատվականի հետաքննության արդյունքում պարզվել է, որ Սամվել անվան ներքո թաքնվում է Արմեն Համլետի Մարտոյանը: Նա 46 տարեկան է, ավարտել է Վոլգոգրադի Կամիշինսկ քաղաքի ռազմական դպրոցը:
Բացի այդ, ուկրաինացի լրագրողները պարզել են , որ գնդապետ Մարտոյանը Ղրիմում զբաղեցնում է ՌԴ հակահետախուզության վարչության պետի տեղակալի պաշտոնը, իսկ նրա եղբայրը՝ Մանվելը, նույն վարչության Սիմֆերոպոլի պետն է:
Պարզվել է նաև, որ Մարտոյանը զբաղվել է բռնցքամարտով, իսկ այժմ զբաղվում է բիզնեսով:
Կարդացեք նաև
Պատրաստեց Հովհաննես ԻՇԽԱՆՅԱՆԸ
