«Ավելի լավ կլիներ, եթե ամերիկացիները Ադրբեջանին դասեր տալու փոխարեն հայերին պարտադրեին ազատագրել գրավյալ տարածքները»,- Ադրբեջանի պաշտոնական AzerTac լրատվական գործակալությանը տված հարցազրույցում հայտարարել է երկրի ամենաազդեցիկ պաշտոնյաներից մեկը՝ Իլհամ Ալիևի աշխատակազմի ղեկավար Ռամիզ Մեհտիևը:
Մեհտիևի հայտարարությունները պատասխանն են Բաքվում Միացյալ Նահանգների դեսպան Ռիչարդ Մորնինգսթարի՝ անցած շաբաթ «Ազատություն» ռադիոկայանի ադրբեջանական ծառայությանը տված ծավալուն հարցազրույցին:
Մորնինգսթարը խստորեն քննադատել էր պաշտոնական Բաքվին՝ ընդդիմությանն ու քաղաքացիական ակտիվիստներին հետապնդելու համար: Ամերիկացի դիվանագետը նույնիսկ կանխատեսել էր, թե նման պահվածքն ի վերջո կարող է հանգեցնել Ադրբեջանում ուկրաինական իրադարձություների կրկնությանը: Այժմ ահա Ադրբեջանի նախագահի մերձավորագույն զինակիցներից մեկը ամերիկացիներին խորհուրդ է տալիս փոխել թե հռետորաբանությունը, թե որդեգրած գործելաոճը:
Գեւորգ Ստամբոլցյան
Նյութի մանրամասները կարդացեք «Ազատություն» ռադիոկայանի կայքում
