Աստանայում Ղազախստանի նախագահ Նուրսուլթան Նազարբաևի հայտարարությունը նշանակում է, որ Հայաստանի գործընկերները ապագայում էլ չեն ճանաչի Ղարաբաղի անկախությունը, կարծում է «Էխո Մոսկվի» միջազգայնագետ-լրագրող Արկադի Դուբնովը՝ անդրադառնալով Նազարաբևի Սերժ Սարգսյանին արած առաջարկին, ըստ որի, Հայաստանը պետք է Եվրասիական միություն մտնի առանց Լեռնային Ղարաբաղի:
«Սենսացիա Աստանայում. Հայաստանը կորցնու՞մ է Ղարաբաղը» հոդվածում Դուբնովը գրում է, որ Դժվար է ասել ,թե ինչ արձագանք կստանա Նազարաբևի Սարգսյանին ներկայացրած «վերջնագիրը», սակայն մեծ ցնցումներ չեն լինի, քանի որ դեռ մեկ տարի առաջ Հայաստանը պատրաստվում էր Եվրոպայի հետ ստորագրել Ասոցացման պայմանագիրը, բայց ստիպված հայտնեց Մաքսային միությանը միանալու մասին, իսկ Ուկրաինայի դեպքերից հետո դեպի Եվրոպա մանևրելու ոչ մի հնարավորություն չի մնացել Երևանին:
«Հայաստանի համար առաջնահերթ են մնում ռազմական և էներգետիկ անվտանգությունները, որոնց գլխավոր, գուցեև միակ, երաշխավորը Ռուսաստանն է», – գրում է նա, – «Ու դժվար թե կասկածներ առաջացնի այն, որ Մաքսային միությանը, ապա նաև Եվրասիական միությանը ինտեգրվելու Երևանի շտապողականությունը հենց Ռուսաստանն է թելադրում»:
Մայիսի 29-ին Աստանայում տեղի ունեցած Բարձրագույն եվրասիական տնտեսական նիստի ժամանակ Նազարբաևը հայտնել է, որ Հայաստանը Եվրասիական տնտեսական միությանը պետք է անդամակցի Առևտրի համաշխարհային կազմակերպությանը անդամակցած սահմաններով, այսինքն` Միավորված ազգերի կազմակերպության ճանաչած սահմաններով, ինչը նշանակում է՝ առանց Լեռնային Ղարաբաղի և հարակից շրջանների:
Կարդացեք նաև
Պատրաստեց Հովհաննես ԻՇԽԱՆՅԱՆԸ
