Անգլիական «Լիվերպուլ» ֆուտբոլային ակումբի մարզիչ Բրենդան Ռոջերսը հետաքրքրված է «Սպարտակ»-ի և Հայաստանի հավաքականի հարձակվող Յուրա Մովսիսյանի ծառայություններով, հայտնում է «Քոթօֆսայդ»-ը՝ նշելով, որ Ռոջերսն այս շաբաթ, կիրակի բանակցություններ կսկսի Մովսիսյանի գործակալի հետ:
Հաղորդվում է, որ իռլանդացի մարզիչը հետևել է 26-ամյա ֆուտբոլիստի ռուսական ակումբում ունեցած ելույթներին, որի ընթացքում նա 20 գոլ է խփել 35 խաղերում:
Ֆուտբոլային լրատվականը նշում է, որ Ռոջերսը պետք է շտապի, քանի որ նա լավ հասկանում է, որ Մովսիսյանի ծառայություններով հետաքրքրված նաևԱնգլիայի և Գերմանիայի մի շարք ակումբներ ևս:
Մովսիսյանն իր տեղափոխության մասին ասել է. «Ես լսել եմ, որ ինձնով հետաքրքրվում են Գերմանիայում և Անգլիայում, տեսնենք, թե որքանով է դա լուրջ»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
Շատ կներեք, այդ վերնագրում հարցական նշանն ինչու եք “ձեռք բերել” բառի վրա դրել: ավելի շատ տրամաբանական կլիներ “ցանկանում” բառի վրա դնել: թե չե կասկածում եք որ ձեռք կբերի, կարող է “ձեռք չբերի” ինչ անի, գողանա: