ՆԱՏՕ-ի գլխավոր քարտուղար Անդերս Ֆոգ Ռասմուսենը հայտնել է, որ չի տեսնում իր ղեկավարած կազմակերպության դերակատարության կարիքը Իրաքում, որտեղ «Իրաքի և Լևանտի իսլամական հանրապետության» ահաբեկչական խմբավորումը գրավել է երկրի հարավի մի մասը և Թուրքիայի մի քանի տասնյակ քաղաքացիների է պատանդ վերցրել, փոխանցում է «Հուրիեթ» թերթը:
«Մենք հորդորում ենք անհապաղ ազատ արձակել պատանդներին: Ոչինչ չի կարող արդարացնել հանցավոր քայլը… Ես չեմ տեսնում ՆԱՏՕ-ի դերակատարությունը Իրաքում, բայց, իհարկե, մենք ուշադիր հետևում ենք դեպքերի զարգացմանը և կոչ ենք անում բոլոր կողմերին դադարեցնել բռնությունները», – ասել է Ռասմուսենը Մադրիդում հունիսի 12-ին:
Իրաք զորք կրկին ուղարկելու կարիք չի տեսնում նաև Մեծ Բրիտանիան: Այդ երկրի արտաքին գործերի նախարար Վիլյամ Հագը հայտնել է, որ իրենց զորքերը Իրաք ուղարկելու հարց չի քննարկվում՝ հավատալով, որ Իրաքը բավական զորք ունի խնդիրը լուծելու համար:
ԱՄՆ մի պաշտոնյա «Ֆրանս Պրես»-ին հայտնել է, որ իրենք պատրաստ են աջակցել Իրաքին, սակայն ռազմական օգնություն ցուցաբերելու մասին որևէ բան չի նշել:
Կարդացեք նաև
Իրաքի Շիա իշխանություններին զորքով օգնելու պատրաստակամություն է հայտնել Իրանի նախագահ Հասան Ռոհանին:
Պատրաստեց Հովհաննես ԻՇԽԱՆՅԱՆԸ
