Երեկ Գյումրու Վարդանանց հրապարակում նշվեց Հովհաննես Շիրազի 100-ամյակը: Այս տոնակատարությանը ներկա էին ԱԺ նախագահ Գալուստ Սահակյանը, ԲՀԿ առաջնորդ Գագիկ Ծառուկյանի մայրը`Ռոզա Ծառուկյանը, որը գլխավորում էր ԲՀԿ-ական պաշտոնյաների ու պատգամավորների խումբը, Սասուն Պասկևիչյանը, Տիգրան Մանսուրյանը:
Գյումրեցի բանաստեղծի ծնունդը հարազատ քաղաքում նշելու գաղափարը, բնականաբար, շատ էր ոգևորել այս քաղաքի բնակիչներին, սակայն, այդ նույն մարդկանցից շատերի տպավորությամբ, միջոցառումը բավական վատ էր կազմակերպված:
Ավագանու որոշմամբ այս տոնակատարության համար հատկացված 17 միլիոն դրամը քիչ գումար չէր այն բուն բովանդակությանը համապատասխանեցնելու, մի քանի տաղանդավոր ասմունքողների ևս հրավիրելու համար. որևէ հուշ, որևէ խոսք կամ բանաստեղծություն չհնչեց Հովհաննես Շիրազից ու Հովհաննես Շիրազի մասին և կարելի է ասել Գյումրու «Հոկտեմբեր» կինոդահլիճում ապրիլի 27-ին բանաստեղծի 100-ամյակին նվիրված հուշ-երեկոն շատ ավելի բովանդակալից էր:
Անգամ բեմ չհրավիրվեցին Վանանդ ու Աստղիկ Շիրազները…
Կարդացեք նաև
Ժամը 20.30-ից մինչև 12.00 տևած միջոցառումը ուղղակի համերգ հիշեցրեց` Հայաստանի հայտնի երգիչների ու Գյումրու պարային խմբերի մասնակցությամբ: Հպանցիկ հիշեցին նաև հանճարեղ դերասանի` Մհեր Մկրտչյանի ծննդյան 84-ամյակը:
Իսկ որ ամենատարօրինակն էր, այս երկու հանճարների ծննդյան տոնակատարության հետ նշվում էր նաև դպրոցի շրջանավարտների ավարտական երեկոն:
Նկատենք նաև, որ գյումրեցիների մի զգալի հատված այս տոնակատարությանը հետևում էր ճաղերի արանքից, որը ևս անարդար էր. ով կարողացել էր ճարպիկ գտնվել, հրավիրատոմս էր ձեռք բերել ու եկել նստել էր, իսկ ով` ոչ, ստիպված էր այս ընթացքում ժամեր շարունակ կանգնել:
Ինչևէ, Սամվել Բալասանյանը, որը իրոք կարողանում է նմանատիպ միջոցառումներով գյումրեցիների մեծ մասին տներից դուրս հանել, Գյումրու կենտրոնում հավաքել, թերևս ճիշտ կաներ քաղաքապետարանի մշակույթի բաժնի աշխատակիցների ցանկը վերանայեր . չէ՞ որ Գյումրին տաղանդավոր մարդկանց քաղաք է, և եթե անգամ դրսից որևէ երգչի, արվեստագետի չհրավիրեն, այս քաղաքը սեփական ուժերով կկարողանա բարձրամակարդակ միջոցառումներ կազմակերպել …միայն թե այս ամենի համար պրոֆեսիոնալ կազմակերպիչ է անհրաժեշտ : Այլապես ստացվում է, որ Գյումրու բոլոր միջոցառումները նույնաբովանդակ են` միայն թե դրանք տարբեր մարդկանց ու տարբեր առիթների են նվիրված:
Ի դեպ, 5 ժամ տևած միջոցառման ընթացքում Հովհաննես Շիրազից հնչեց ընդամենը մեկ բանաստեղծություն` Վարդան Աճեմյանի անվան դրամատիկական թատրոնի դերասան Տիգրան Գաբոյանի շուրթերից, որը և վարում էր երեկոն:
Մանրամասները`տեսանյութերում:
Նունե ԱՐԵՎՇԱՏՅԱՆ
Ինչևէ, Սամվել Բալասանյանը, որը իրոք կարողանում է նմանատիպ միջոցառումներով գյումրեցիների մեծ մասին տներից դուրս հանել, Գյումրու կենտրոնում հավաքել, թերևս ճիշտ կաներ քաղաքապետարանի մշակույթի բաժնի աշխատակիցների ցանկը վերանայեր . չէ՞ որ Գյումրին տաղանդավոր մարդկանց քաղաք է, և եթե անգամ դրսից որևէ երգչի, արվեստագետի չհրավիրեն, այս քաղաքը սեփական ուժերով կկարողանա բարձրամակարդակ միջոցառումներ կազմակերպել …միայն թե այս ամենի համար պրոֆեսիոնալ կազմակերպիչ է անհրաժեշտ : Այլապես ստացվում է, որ Գյումրու բոլոր միջոցառումները նույնաբովանդակ են` միայն թե դրանք տարբեր մարդկանց ու տարբեր առիթների են նվիրված:
Էս պարբերությունից ոչ մի բան չհասկացա, Գյումրիում միշտ էլ տոներ շատ շուքով կազմակերպվել են, բայց այս մեկը առանձնահատուկ էր նրանով, որ 4 առիթ էր իրար խփել bալասանյանը, ուղղակի ամոթ էր մի քանի ծախս մի դռնով հանելը՝Ֆրունզի, Շիրազի ու մեկ էլ շրջանավարտներին միջոցառումները իրար զարկելը , ես անկեղծ ամաչեցի, մնացել էր Ձմնեռ Պապուն էլ կանչեր ու սաղ տոները աներ, դա միջոցառում կազմակերպել չէր, da գալչկայի համար էր ու վատ էր , որ ներկա մշակությաին մեծերը դա տեսան ու զգացին