Aravot.am-ի տեղեկություններով «Արմավիա» ընկերությունը, որը փակվելու պատճառով աշխատակիցներին աշխատավարձի միլիոնների պարտք էր մնացել, երկու օր է սկսել է մարել պարտքերը: Աշխատավարձի գումարները մաս-մաս նստում են նախկին աշխատակիցների հաշվեհամարներին:
Նշենք, որ «Արմավիան» աշխատակիցներին պարտք էր մի քանի ամսվա աշխատավարձ` գումարած թռիչքների հավելավճարները: Ընդ որում, յուրաքանչյուրի աշխատավարձն ու թռիչքների հավելավճարները միասին ամսական կազմում էին 2,500-3,500 դոլար:
Այս ավիաընկերությունում երկար տարիներ բորտուղեկցորդուհի աշխատած Հասմիկ Ղեւոնդյանը, մեզ հետ զրույցում հաստատեց լուրը` հայտնելով, որ վերջնահաշվարկը ստացել է: Մեկ այլ աշխատակից էլ ասաց, որ պարտքից ընդամենը 300 հազար դրամն են վճարել, մինչդեռ ընկերությունը վճարած գումարի դեռ եռակի, քառակին էլ պարտք է, որը «Արմավիա»-ից խոստացել են մնացած գումարն էլ փուլ առ փուլ վճարել:
«Արմավիա»-ի օդաչուներից շատերն արդեն Հայաստանից հեռացել են, եւ աշխատանքի հրավիրվել արտասահմանյան ավիաընկերություններում, իսկ ոմանք էլ՝ աշխատանքի անցել «Էյր Արմենիա» ավիաընկերությունում:
Լուսինե ԲՈՒԴԱՂՅԱՆ
Կարդացեք նաև
