Հուլիսի 22-ից Ծաղկաձորի մարզաբազայում Հայաստանի բռնցքամարտի երիտասարդական հավաքականի ավագ մարզիչ Վազգեն Բադալյանի եւ նրա օգնական Արշավիր Հայրապետյանի ղեկավարությամբ ուսումնամարզական հավաք են սկսել 51 կգ քաշային Անուշ Գրիգորյանը եւ 81 կգ քաշային Նարեկ Մանասյանը: Նրանք պատրաստվում են Չինաստանի Նանջինգ քաղաքում կայանալիք Պատանեկան օլիմպիական խաղերին:
Aravot.am-ը ներկա եղավ նրանց մարզմանը, որի ավարտին զրուցեց Վազգեն Բադալյանի հետ: «Սա պատանեկան օլիմպիական խաղերի նախապատրասական առաջին փուլն է, որի ընթացքում շեշտը դնում ենք հատուկ եւ ընդհանուր ֆիզիկական պատրաստության վրա: Օգոստոսի սկզբին Ծաղկաձորից կիջնենք Երեւան, որտեղ կանցկացնենք հիմնական ու վերջնական հավաքը Հայաստանում, որից հետո պատվիրակությունը օգոստոսի 11-ին կամ 12-ին կմեկնի Չինաստանի Նանջինգ քաղաք», – ասաց ավագ մարզիչը:
Վազգեն Բադալյանի հետ ամբողջական հարցազրույցը կարդացեք «Առավոտ» օրաթերթի հաջորդ համարում:
Կարդացեք նաև
Աշոտ ՀԱԿՈԲՅԱՆ
