«Բացի աշխատակիցների գույքից, նաեւ անձնական, եւս հինգ միլիարդ դրամին համարժեք ներդրում կա օտարերկրյա կազմակերպության կողմից, որը ԴԱՀԿ-ն չի կարող կնքել եւ սեփականացնել: Դա իրենցը չի, դրա գումարները վճարած չի: Այդ ամենը ո՞նց կարող են կնքել ու սեփականացնել»,-այսօր «Պոստ սկրիպտում» մամուլի ակումբում հայտարարեց Մարզահամերգային համալիրի հասարակայնության հետ կապերի և լրատվության պատասխանատու Կորյուն Գրիգորյանը՝ անդրադառնալով նախօրեին ԴԱՀԿ-ի կողմից իրականացված գործողություններին:
Կատարվածը, բանախոսը որակում է «պետական ռեկետ»: ՄՀՀ-ի կողմից պարտքերի մարումն ուշացնելը նա չի համարում օրենքի խախտում, քանզի, ներկայիս խառը աշխարհաքաղաքական իրավիճակի պատճառով խնդիրներ են առաջացել այն գումարների հետ, որոնք ՄՀՀ-ին պետք է փոխանցվեին ՌԴ-ից ու ցանկացած գործարարի հետ, նրա կարծիքով, կարող է նման խնդիր առաջանալ: «Բայց մեր իշխանությունները գնում են կոնկրետ իրավախախտումների: Կոնկրետ անհատներ չարաշահում են իրենց իրավունքները»,- ասաց բանախոսը:
Կոնկրետ ո՞վ «աչք ունի» ՄՀՀ-ի վրա, նա չգիտի, բայց. «Այս երկրում մի քանի հոգի են, որ կարողանում են ղեկավարել ԴԱՀԿ-ին, դատական իշխանություններին»: Կոնկրետ ԴԱՀԿ-ն, նրա գնահատմամբ, «դուքյանի» է վերածվել, քանզի, ԴԱՀԿ պետ Միհրան Պողոսյանը անօրինական քայլեր է անում, իսկ նրա մտերիմը՝ ՀՀԿ-ական պատգամավոր Արթուր Ստեփանյանը, ով «Քեթրին» ընկերության տնօրենն է, գույքի կամայական գնահատում է իրականացնում:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
