«Բոլոր անարդարությունները գալիս են ոստիկանական համակարգից: Նման դատարանում բոլոր տուժածները, վկաները վատ հիշողություն ունեն, բայց լավ հիշում են, թե իրենց ինչ են ասել, որ էստեղ խոսեն»,- այսօր Կենտրոն եւ Նորք Մարաշ վարչական շրջանների ընդհանուր իրավասության դատարանում հայտարարեց «Ցեղակրոն» կուսակցության անդամ, Շանթ Հարությունյանի գործով ամբաստանյալ Վարդան Վարդանյանը:
Նա պիտակավորեց հարցաքննվող ոստիկաններին, թե «մտավոր արատներ ունեցող ոստիկաններ են».«Ասում են, թե իբր հորդորել են ակցիայի մասնակիցներին դուրս գալ մայթ, բայց չեն ասում, թե ում են հետևել: Էդպես ոնց կլինի՞»:
Հետո նա դիմեց ՀՀ ոստիկանապետ Վլադիմիր Գասպարյանին. «Համակարգում էնքան խնդիրներ կան, որ հենց դրանց վրա պետք է ուշադրություն դարձնել, ոչ թե համազգեստի վրա: Հագուստը կարևոր չէ, կարևորը՝ բովանդակությունն է: Կարող ա ինքն իրան վատ չի զգում, բայց ես ինձ վատ եմ զգում, երբ ոստիկաններին ասում են՝ Վովայի վկաներ»:
Վերջում էլ Վարդան Վարդանյանը ոստիկանապետից անցավ իշխանություններին՝ կոչ արեց կամովի հեռանալ երկրից. «Գնացեք, քանի դեռ թողնում ենք: Հետո, որ գնացիք, ձեր հետևից գալու ենք ու էդ ժամանակ արդեն վատ ա լինելու»:
Արփինե ՍԻՄՈՆՅԱՆ
