ԱԺ նստաշրջանում «Ուժեղ Հայաստան» խմբակցության քարտուղար Տիրան Աբրահամյանը հարց ուղղեց Արտաքին գործերի և միջազգային առևտրի նախարար Արարատ Միրզոյանին, թե ինչո՞ւ Միրզոյանը չի պատասխանում Ադրբեջանի նախագահի օգնական Հաջիևի այն հայտարարությանը, թե «Հայաստանն ու հայ ժողովուրդը պետք է ներողություն խնդրեն ադրբեջանցի ժողովրդից»։
«Արտաքին գործերի և միջազգային առևտրի նախարարությունը՝ վարչապետ Փաշինյանի գլխավորությամբ, խաղաղություն է կառուցում»,- արձագանքեց Արարատ Միրզոյանը։
«Հասկանալի է, որ շատ բարդ է, որ խոչընդոտներ կան, փոսեր կան, շատ հեշտ է հեգնել։ Մենք փորձում ենք խաղաղությունն ամրապնդել, խնամել, հոգ տանել խաղաղության մասին։ Այնքան կարելի է արձագանքել, հավատացնում եմ ձեզ՝ ես այնքան ամպագոռգոռ և հայրենասիրական բառեր գիտեմ, այնքան պաթոսային բառեր գիտեմ։ Հարցը հետևյալն է՝ դա անելը կնպաստի՞ խաղաղությանը։ Իհարկե, չի նպաստի։ Դուք բերեցիք մի օրինակ, որը չի նպաստում, ես էլ կարամ 10 հատ անեմ, որ չնպաստի, և՞։ Վատ տեղ կհասնենք»,- հավելեց Միրզոյանը։
Ամբողջական տեսանյութը՝ այստեղ
Կարդացեք նաև
Ռոզա ՀՈՎՀԱՆՆԻՍՅԱՆ
