Այսօր ԱԺ-ում լրագրողների հետ զրույցում հարցին՝ եթե Ռոբերտ Քոչարյանն առաջադրվի, ՀՀԿ-ն կպաշտպանի՞ նախկին նախագահին՝ ԿԳ նախարար Արմեն Աշոտյանը պատասխանեց. «ՀՀԿ-ն իր ղեկավարով պահպանելու է իր որոշիչ դերակատարությունը ՀՀ քաղաքական անցուդարձի մեջ, այդ թվում նաեւ զարգացնելով կուսակցական ժողովրդավարության մեխանիզմներ, այդ թվում նաեւ ներկայացնելով ժողովրդին 2017-ի խորհրդարանական ընտրություններին նոր ծրագիր եւ ապավինելով ժողովրդի վստահությանը՝ միաժամանակ թույլ տալով ձեւավորել այդ ժամանակվա պետական մարմինները՝ ԱԺ եւ կառավարություն: Մնացած բոլոր խոսակցությունները ֆալս-ստարտ են»:
Հետո պարոն Աշոտյանը, պատասխանելով Ռոբերտ Քոչարյանի հնարավոր վերադարձի մասին դիտարկմանը՝ հայտարարեց. «ՀՀԿ-ն մնալու է որոշիչ քաղաքական ուժ Հայաստանի քաղաքական երկնակամարում՝ Սերժ Սարգսյանի գլխավորությամբ: Սերժ Սարգսյանը ՀՀԿ նախագահն է, վերընտրվել է վերջին համագումարում»:
Հարցին՝ ՀՀԿ-ն Ռոբերտ Քոչարյանին կրկին կպաշտպանի՞ որպես ՀՀԿ թեկնածու՝ Արմեն Աշոտյանը պատասխանեց. «ՀՀԿ-ն կպաշտպանի այն թեկնածուին, որին կորոշի ինքը, ոչ թե լրատվամիջոցը հարց կտա: Կիկոսի մահ եք սարքում»:
Մեր հարցին՝ Ռոբերտ Քոչարյանն ասում է՝ պաշար է հավաքում, գրքեր է կարդում, պետք կգա՞ այդ ամենը դեռ ՀՀ քաղաքական կյանքում՝ Արմեն Աշոտյանը պատասխանեց. «Ես չեմ հանդիսանում երկրորդ նախագահի մամուլի խոսնակը: Գիտելիքները պետք են բոլորիս»:
Կարդացեք նաև
Հռիփսիմե ՋԵԲԵՋՅԱՆ
