Մոտ 1 տարի առաջ Հեռուստատեսության եւ ռադիոյի ազգային հանձնաժողովի նախագահ դարձավ «Ուրախների եւ հնարամիտների» ակումբի երբեմնի տնօրեն, «Շարմ» ընկերության հիմնադիրների խորհրդի նախկին անդամ եւ Հ1-ի նախկին տնօրեն Գագիկ Բունիաթյանը: Հատված հարցազրույցից:
– Հանրային խորհրդի աղմկոտ քննարկումներից հետո՝ սերիալների եւ եթերային լեզվի անաղարտության վերաբերյալ, Դուք զբաղվում էիք նաեւ դրանով։ Իսկ այսօր, կարծես, լռել եք։ Այլեւս չե՞ք հետեւում։
– Հիմա սերիալները քչացել են։ Առաջատար ալիքներն առաջ ունեին 3-4 սերիալ, հիմա 1 կամ 2-ն ունեն, Հանրայինն ընդհանրապես նոր սերիալ չունի։ Էն տարիներով ձգվող անհամ պատմությունները՝ հեռուստադիտողին ճնշող, չկան: Բայց այդ ամենը մեր գործառույթներից դուրս է։ Սերիալների կամ ծրագրերի բովանդակությամբ մենք չենք զբաղվում։ Այն ժամանակ ուղղակի հանձնարարել էին, քանի միակ կարգավորող մարմինը սա էր, բայց ոչ մի իրավական հիմք այդ հարցը վերահսկելու մենք չունենք: Այս իմաստով էլեկտրոնային մամուլը բաց է, անկախ է։
– Անկախ է միայն սերիալներ եւ զվարճալի հաղորդումնե՞ր ցույց տալու մասով։
Կարդացեք նաև
– Ոչ, նաեւ լրատվական իմաստով։ Քաղաքական մասով էլ։ Կարող եք չհավատալ, բայց դա այդպես է։ Մենք գրաքննություն չենք կատարում։
Սյուզան ՍԻՄՈՆՅԱՆ
Հարցազրույցն ամբողջությամբ կարող եք կարդալ «Հրապարակ» թերթի այսօրվա համարում
