«Բանակցություններն ընթանում են բնական հունով, շուտով կոնկրետ արդյունքներ կլինեն»,-ավստրիացի լրագրողի հարցին` Հայաստանի` Եվրասիական միության անդամակցության գործընթացներում ի՞նչ դեր է խաղում ԼՂ հարցը, ավստրիացի գործընկերոջ` Ավստրիայի ԱԳ նախարար Սեբաստիան Կուրցի հետ համատեղ ասուլիսին այսպես պատասխանեց ՀՀ ԱԳ նախարար Էդվարդ Նալբանդյանը: Նա հիշեցրեց, որ Ղարաբաղի վերաբերյալ հայտարարություններ եղել են ամենաբարձր մակարդակով թե՛ Հայաստանի, թե՛ Ռուսաստանի կողմից ու շեշտեց. «Հստակ ասվել է, որ այստեղ խոսքը չի գնում այն մասին, որ ՀՀ-ն անդամակցում է Եվրասիական միությանը Ղարաբաղի հետ միասին, և այդ հարցը չի կարող խոչընդոտ լինել մեր անդամակցությանը Եվրասիական միությանը»:
Ավստրիական կողմի մեկ այլ լրագրող հարցրեց` արդյոք այն, որ ՀՀ-ն անդամակցում է Եվրասիական միությանը, դա նշանակո՞ւմ է, որ ԵՄ հետ ասոցացման հարցը լրիվ մահացա՞վ, Էդվարդ Նալբանդյանը պատասխանեց. «Վիլնյուսում ԵՄ-ն և Հայաստանը համատեղ հայտարարություն ստորագրեցին, որտեղ ասված է երկուստեք ձգտման մասին՝ համագործակցությունը շարունակել բոլոր հնարավոր ոլորտներում: Մենք շարունակում ենք այդ ուղղությամբ ջանքերը: Մենք փոխանակեցինք նաև Էշտոնի հետ նամակներ այդ մտադրության մասին, որտեղ ավելի մանրամասն է նկարագրված ձեռնարկների սխեման»:
Տաթև ՀԱՐՈՒԹՅՈՒՆՅԱՆ
Ռուսական ագենտներ: Նույն ձևի էլ ասելու եք՝ «ՀՀ և ԼՂՀ-ի միջև «մաքսակետեր» տեղադրելը «վտանգավոր չէ»»:
Հայաստանը Ռուսաստանի հետ ԱՐԴԵՆ երկկողմ առևտրի բազմաթիվ պայմանագրեր ունի. Հայաստանի Ո՞Ր շահին է ծառայում ԵՏՄ կոչված թակարդ ընկնելը: Որ ԼՐԻՎՈՒԹՅԱ՞ՄԲ (նաև de jure) դառնաք Պուտինի խոսնակը: