Այսօր Քառյակի նիստն էր: Նիստից հետո լրագրողների հետ զրույցում Նաիրա Զոհրաբյանն ասաց, որ քննարկել են երեք հիմնական հարցեր՝ առաջինը հանրահավաքի անցկացման օրն ու վայրն է որոշվել, հանրահավաքի օրակարգն ու բովանդակությունը եւ մարզային այցերը՝ միասնական:
«Որոշվել է, որ Քառյակի 3 քաղաքական ուժեր հոկտեմբերի 10-ին, ժամը 18 -ին կանցկացնեն հանրահավաք. «ՀՅԴ-ի մեր հարգարժան գործընկերները չեն մասնակցի միասնական հանրահավաքին՝ այն հիմնավորմամբ, որ կան տարաձայնություններ Սահմանադրական փոփոխությունների հետ կապված»,- ասաց Նաիրա Զոհրաբյանը՝ նշելով, որ բնականաբար, հանրահավաքում չէր կարող սահմանադրական փոփոխությունների մասին խոսք չլինել:
Նաիրա Զոհրաբյանը հորդորեց ինտրիգ չփնտրել՝ ասելով. «Բազմաթիվ հարցերում քառյակը միասնական է: Հանրահավաքում Քառյակի անունից կհնչեցվի մեր 12 կետերի կատարման արդյունքը»:
ՀՅԴ-ն չի մասնակցի նաեւ մարզային հանդիպումների շարքին:
Կարդացեք նաև
Այսօր Եռյակն արդեն աշխատանքային խմբեր է կազմել՝ մարզային հանդիպումների համար, կազմված կլինեն երեք քաղաքական խորհրդի անդամներից եւ երեքով էլ որոշում կկայացնեն սահմանադրական փոփոխությունների հետ կապված:
Հռիփսիմե ՋԵԲԵՋՅԱՆ
Իմ կարծիքը:Իմ կարծիքով ՀՅԴ-ն ճիշտ որոշում է կայացրել նախատեսված հանրահավաքին և մարզային այցելություններին չմասնակցելու կապակցությամբ:Հանրահավաքային պայքարը քաղաքական պայքարի հնացած,անարդյունավետ ձև է,և,գուցե կիրառելի է միայն համապետական նշանակության ընտրությունների դեպքում:Քաղաքական պայքարի այս ձևը կարող են որդեգրել այն քաղաքական ուժերը, որոնք իրենց առջև դրված քաղաքական նպատակներին հասնելու իրական ուղիները չեն տեսնում:Քառյակ դաշինքը իր առջև դրած խնդիրները կարող է լուծել միայն իշխանափոխության հասնելուց հետո:Դրան հասնելու երկու ճանապարհ կա:Տևական միտինգային պայքարի միջոցով ժողովուրդին ոտքի հանելով պահանջել իշխանությունների հրաժարականը,որը քիչ հավանական է,քանի որ ժողովուրդը ոչ մի քաղաքական ուժի չի հավատում,կամ`ժողովուրդին նախապատրաստելով,քաղաքակիրթ պայքարի`ընտրությունների միջոցով հասնել իշխանափոխության:Հանրապետական կուսակցությունը ժողովրդական հանրապետությունը դարձրեել է միակուսակցական իշխանությամբ դիկտատորական պետություն:Դիկտատուրան օրենք և սահմանադրություն չի ճանաչում,ինչ ուզում այն էլ անում է: