Քիչ առաջ Գյումրու թատերական հրապարակում ավարտվեց եռյակի` ԲՀԿ-ի, ՀԱԿ-ի ու «Ժառանգության» կազմակերպած հանրահավաքը: Հրապարակը բազմամարդ էր, սակայն եթե ի նկատի ունենանք, որ կազմակերպիչները երեք կուսակցություններ էին, ապա կարելի է ասել հավաքվածներն այնքան էլ շատ չէին: Նկատենք, որ գյումրեցիները ևս շատ մեծ թիվ չէին կազմում, միկրոավտոբուսներով Գյումրի էին եկել բնակիչներ Արթիկից, Մարալիկից:
Գյումրեցի ոստիկանները ևս ողջ անձնակազմով Թատերական հրապարակում էին: Գյումրիում որևէ արտառոց միջադեպ տեղի չունեցավ, ի տարբերություն Հրազդանի կամ Արարատի, որևէ մեկը իրեն թույլ չտվեց մոտենալ ու ասել, որ ինքը պաշտում է իշխանություններին և դեմ է հանրահավաքին:
Գյումրու ԲՀԿ-ական քաղաքապետ Սամվել Բալասանյանը արձակուրդում գտնվելու ու ընտանիքով Արաբական էմիրություններ մեկնելու պատճառով ներկա չէի հանրահավաքին, սակայն մենք հանրահավաքի ավարտից հետո ականատես եղանք, որ Գյումրու երկու փոխքաղաքապետերը` Ռուբեն Սանոյանն ու Վաղարշակ Մխիթարյանը, ինչպես նաև քաղաքապետարանի բազմաթիվ բաժնի պետեր լքում էին Թատերական հրապարակը:
Կարդացեք նաև
Ի տարբերություն նրանց, բեմահարթակ էր բարձրացել Գյումրու մանկավարժական ինստիտուտի ռեկտոր Վարդևան Գրիգորյանը:
Նկատենք, որ ուսանողները մեծ թիվ չէին կազմում հանրահավաքում, մեծամասամբ եկել էին սոցիալապես անապահով տարեց մարդիկ, ապրելակերպից խիստ դժգոհ գյումրեցիները , ինչպես նաև ՀԱԿ-ի, ԲՀԿ-ի համակիրները: Երեք կուսակցությունների առաջնորդները չէին ժամանել Գյումրի:Ու որպեսզի այս թեման ավելորդ շահարկումների առիթ չդառնա, հանրահավաքը վարող ԲՀԿ-ական Տիգրան Ուրիխանյանը բացատրություն տվեց ժողովրդին:
Ի դեպ, Գյումրիում սարսափելի ցուրտ էր., ինչպես հավաքվածները, այնպես էլ ելույթ ունեցողները ցրտից դողում էին, և սա ևս իր դերակատարությունն էր ունեցել, որ մարդկանցից շատերը դուրս չգային տներից:
Նունե ԱՐԵՎՇԱՏՅԱՆ
Ինչ դմբո է էս մեր ժողովուրդը: Հերթական թատերական ներկայացման հանդիսատես լինելը արդեն սովորութոյւն է դարձել: Լրիվ, լրիվ ընդդիմադիր են Մարտուն Գրիգորյանը և մյուսները: Այս երկրում, ով իրապես ընդդիմադիր է , կամ արդեն վաղուց սպանել են կամ էլ իր աբուռ-նամուսը հավաքել և գնացել ՝ երկրից: Մնացյալը արդեն էժանագին ներկայացման կամ սերիալի էժան հերոսներն են: