Կենտրոն եւ Նորք-Մարաշ համայնքների ընդհանուր իրավասության դատարանում այսօր նշանակվել էր «Հայհիդրոէներգոնախագիծ» ընկերության տնօրեն Սենիկ Ջուլհակյանի հայցի քննությունն ընդդեմ Հայաստանի քաղաքագետների միության նախագահ Հմայակ Հովհաննիսյանի եւ www.aravot.am կայքի:
Սենիկ Ջուլհակյանը պահանջում է իր պատիվը, արժանապատվությունը եւ գործարար համբավը վիրավորանքի ձեւով արատավորող արտահայտությունների համար ներողություն խնդրել, պարտավորեցնել պատասխանողներին զրպարտության ձեւով արատավորող տեղեկությունները հերքելու, պարտավորեցնել փոխհատուցել:
Այսօր պետք է հետազոտվեր մեր կայքի կողմից կողմերին տրամադրված հոդվածին կից տեսանյութը: Սակայն պատասխանող Հմայակ Հովհաննիսյանը ներկա չէր, եւ դատական նիստը նշանակվեց նոյեմբերի 10-ին:
Հիշեցնենք, որ գործը վարույթ է ընդունվել 9.10.2013թ-ին:
Կարդացեք նաև
Տեղի են ունեցել մի քանի նախնական դատական նիստեր:
Դատական գործընթացը միառժամանակ «սառեցվել էր», քանի որ Կենտրոն եւ Նորք- Մարաշ վարչական շրջանների ընդհանուր իրավասության դատարանում այդ ժամանակ քննվում էր Հմայակ Հովհաննիսյանի դեմ հարուցված քրեական գործը, նույն Սենիկ Ջուլհակյանի հետ կապված:
Ռուզան ՄԻՆԱՍՅԱՆ
