Վաղը կհրապարակվի Հայաստանի սահմանադրական բարեփոխումների հայեցակարգի վերջնական տարբերակը:
Սահմանադրական բարեփոխումների մասնագիտական հանձնաժողովի անդամ Վարդան Պողոսյանը Aravot.am-ին ասաց, որ Վենետիկի հանձնաժողովը դրական եզրակացություն է տվել հայեցակարգին, հստակ նշել է, որ առաջարկված բարեփոխումների նպատակները համապատասխանում են իր դիրքորոշումներին. «Եզրակացության մեջ նշվել է, որ այդ փոփոխությունները շատ մեծ քայլ են Եվրոպայի խորհրդի արժեքների լիակատար իրականացման համար եւ խրախուսում են Հայաստանի իշխանություններին այդ բարեփոխումներն իրականացնելու հարցում: Սա հնարավորություն է, որ երկիրը պետք ձեռքից բաց չթողնի: Վենետեիկի հանձնաժողովի դիտողությունները վերաբերել են տեխնիկական լուծումներին, որոնք հաշվի ենք առել արդեն հաստատված հայեցակարգում: Մեծ խնդիրներ Վենետիկի հանձնաժողովը չի արձանագրել»:
Պարոն Պողոսյանն ասաց՝ ինքը կողմ է քվեարկել այդ հայեցակարգին ու կիսում է այդ հայեցակարգի մոտեցումները.«Ավելի վաղ հրապարակված տարբերակից հիմնական տարբերությունն այն է, որ փորձել ենք կառավարման համակարգի հետ ավելի մեծ կոնկրետություն մտցնել, ավելի հստակ է ընդգծվել խորհրդարանական փոքրամասնության դերն ու կոնկրետ լիազորությունները: Այսօր հավանության արժանացած հայեցակարգը որեւէ արմատական փոփոխություն չունի ավելի վաղ հրապարակված տարբերակից»:
Պարոն Պողոսյանի խոսքով, հայեցակարգը վաղը կուղարկվի նախագահ Սերժ Սարգսյանին. «Եթե նախագահը հավանություն տվեց հայեցակարգին, հանձնաժողովը տասը ամսվա ընթացքում պետք է պատրաստի սահմանադրության փոփոխությունների բուն տեքստը: Թե քաղաքական քննարկումները ինչքան կտեւեն, ում հետ տեղի կունենան՝ նախագահի իրավասության մեջ է մտնում»:
Կարդացեք նաև
Արփինե ՍԻՄՈՆՅԱՆ
Փոխեք, փոխեք, փոփոխեք,
Բայց վերջում տեղափոխվեք,
Շատ է հոգնել էս հողը,
Պետք է քաղել բաղեղը: