Այս պահին Եկմալյան, Ֆիրդուսի, Բուզանդի փողոցների իրացման գոտիների բնակիչները փակել են Տիգրան Մեծ պողոտայի կառավարության դիմացի հատվածը՝ վարչապետից պահանջելով հետ տալ իրենց բնակարանները:
Որքան էլ ոստիկանները փորձում են նրանց փողոցից հանել, բնակիչները հրամաններին չեն ենթարկվում՝ խոստանալով հենց փողոցի մեջտեղում նստացույց անել, եթե վարչապետն իրենց չընդունի:
Ցուցարարներին լսելու է դուրս եկել կառավարության նամակների բաժնի ղեկավար Ալեքսանդր Ղազարյանը, որը փորձում է բնակիչներին համոզել փողոցից դուրս գալ եւ իրենց խոսակցությունն այլ տեղ շարունակել:
Կարդացեք նաև
Բողոքի ակցիայի մասնակիցների խոսքերով՝ եթե իրենց հարցին լուծում չտան, ամեն հինգշաբթի փողոցները փակելու են: Ոստիկանների ուղեկցությամբ իրացման գոտու բնակիչները փողոցից դուրս եկան՝ փորձելով մուտք գործել կառավարության շենք: Սակայն ոստիկանները թույլ չտվեցին:
Բնակիչներից մեկի խոսքերով՝ «6 անչափահաս երեխա ունեմ եւ 7 տարի է՝ բնակվում եմ վարձով, էլ չեմ ուզում այս կարգավիճակով ապրել: Եթե ներս չթողնեք՝ խփելու եմ կառավարության դռներն ու պատուհանները ջարդուփշուր անեմ: Կառավարության որոշման արդյունքում է, որ մենք հայտնվել ենք այս վիճակում: Մենք չենք ուզում Ղազարյանի հետ հանդիպում, մենք ուզում ենք, որ մեզ վարչապետն ընդունի»:
Լուսինե ԲՈՒԴԱՂՅԱՆ
