«Հայկական սոցիալական հեղափոխության ճակատ» նախաձեռնության անդամները այսօր` հոկտեմբերի 17-ին, «Նոյյան տապան» մամլո սրահում ասուլիսը սկսեցին Սերժ Սարգսյանին ուղղված շնորհակալական խոսքերով` հոկտեմբերի 10-ին Բելառուսում Եվրասիական տնտեսական միությանը Հայաստանի անդամակցության համաձայնագիրը ստորագրելու համար:
«Հայկական սոցիալական հեղափոխության ճակատ» նախաձեռնության նախագահ Իշխան Թովմասյանը նշեց, որ այդ միություն կարեւորում է անվտանգության համար. «Մենք Եվրասիական տնտեսական միությանը ողջունում ենք միայն այն պատճառով, որովհետեւ ստեղծվում է նոր միություն, անվանումը կարեւոր չէ: Միության անդամ ենք, ուրեմն` մեր անվտանգությունը ապահովված է»:
Ըստ պարոն Իշխանյանի` եթե առաջընթաց տիրի որոշ ուժեր կհայտարարեն, որ իրենց հանրահավաքի կամ գործունեության արդյունքն է, բայց իրականում դա կլինի ԵՏՄ-ի շնորհիվ. «Շատ շուտով ցանկացած ժողովրդի շահերից բխող ոլորտներում Եվրասիական տնտեսական միությանը ինտեգրումից հետո անմիջապես ժողովուրդը զգալու է իր անձնական կաշվի վրա, որ դրական տեղաշարժ է տեղի ունենալու»:
Կարդացեք նաև
Ամի ՉԻՉԱԿՅԱՆ
