Եգիպտոսի դատարանը կարճել է երկրի նախկին նախագահ Հոսնի Մուբարաքի գործը, ըստ որի նա մեղադրվել էր 2011թ-ին 239 ցուցարարների սպանության մեջ, հայտնում է «Ռոյթերս»-ը:
86-ամյա Մուբարաքը 2012թ դատապարտվել էր ցմահ բանտարկության ցուցարարների սպանությունները ծրագրելու համար, սակայն վերաքննիչ դատարանը նոր լսումներ էր կարգադրել:
30 տարի երկիրը ղեկավարած նախագահի կողմնակիցները դատարանի բակում տոնախմբություն են կազմակերպել, երբ ընթերցվել է վճիռը, որի համաձայն անմեղ են ճանաչվել նաև ներքին գործերի նախկին նախարար Հաբիբ ալ-Ադլին և նրա վեց օգնականները:
Այնուամենայնիվ Մուբարաքը ազատ չի արձակվել, քանի որ նա մեկ այլ՝ պետական միջոցների յուրացման գործով երեք տարվա ազատազրկման է դատապարտված:
Կարդացեք նաև
Պատրաստեց Հովհաննես ԻՇԽԱՆՅԱՆԸ
