«Ոստիկանության տարածած հաղորդագրությունը, թե պատգամավոր Արամ Մանուկյանին հարվածողին ստորագրությամբ ազատ են արձակել, եւ նրա վրա դրված հոդվածը՝ 50-80.000 դրամ կամ մաքսիմում երկու ամսվա կալանք, ինձ թույլ է տալիս ենթադրել, որ կարելի է հանցավոր վարչախմբի յուրաքանչյուր անդամի հայրենասիրական դաստիարակչական հարվածներ հասցնել, դիտավորությամբ թեթեւ մարմնական վնասվածք պատճառել 50-80.000 դրամի դիմաց, որ ռեժիմը հասկանա՝ կա դիմադրություն ու իրենց ամենաթողությանը վերջ է դրվելու»,- Aravot.am-ին ասաց քաղաքացիական ակտիվիստ Վահագն Մինասյանը:
ՀԱԿ անդամ Արեգ Գեւորգյանն էլ, անդրադառնալով պատգամավորի վրա հարձակված անձին ազատ արձակելու քայլին, ասաց՝ բոլոր գործընթացների պատասխանատվությունն ընկնում է գործող իշխանությունների վրա եւ ցույց տալիս նրանց անկարողությունը. «Նույնիսկ այն դեպքում, երբ ամենաբարձր մակարդակներով ցանկություն են հայտնում բացահայտելու այս ապօրինությունները:
Հարձակում է տեղի ունենում պատգամավորի վրա, հարձակում, որը դրան նախորդող ու հաջորդող քաղաքական հաշվեհարդարների մի մասնիկն էր, իսկ դատախազությունը այս հանցագործությունը որակում է ոչ վտանգավոր:
Վերջին երեք օրերին լսում ենք իշխանությունների կողմից տարածված մի առասպելական վարկած, թե հարձակումները երրորդ ուժերի կողմից կազմակերպված են ու ինչքան ուղղված է ընդդիմության, այնքան էլ՝ իշխանության դեմ: Եթե այդպես է, ուրեմն իշխանությունները ամենաբարձր մակարդակով ընդունել են, որ 7 ահաբեկչական գործողությունները ընդհանուր կազմակերպված եւ մեկ նպատակ ունեցող գործողություններ են»:
Կարդացեք նաև
Ըստ նրա, իրավապահները առավել հետեւողականություն պետք է դրսեւորեին բացահայտելու այդ հանցագործությունները, բայց այսօր միայն լսում ենք ծիծաղելի բացատրություններ այն մասին, որ ադրբեջանցիները թասիբի են գցել այդ տղային եւ նա հայրենասիրական զգացմունքներից ելնելով՝ դուրս է եկել ու իրականացրել այդ գործընթացը:
Արփինե ՍԻՄՈՆՅԱՆ
Լուսանկարը` Արեգ Գեւորգյանի ֆեյսբուքյան էջից:
Արեգ, մի հատ հարցրու ծնողներիդ, թե Արամ Մանուկյանի իշխանության տարիներին քանի մարդ են սպանել իրենց իսկ բանդիտները??? Մի հատ էլ հարցրու հենց Ա Մանուկյանին՝ իսկ ինքը որ «չափանիշներով» էր գործում, երբ հայհոյում էր?? Դու կարծում ես, թե տարբերությունը մեծ է նրա և նրան ծեծողի մեջ??? Մեկը մյուսին լավ էլ սազում են, երկուսի արժեհամակարգն էլ նույնն է:
Նառա վերջ տուր քո հիմարություններին: