Այսօր մարզխորհրդի նիստի ժամանակ Շիրակի մարզպետ Ֆելիքս Ցոլակյանը, խոսելով գյուղատնտեսական ոլորտի մասին, ասաց, որ Շիրակի մարզը շատ է տուժել, 39 գյուղ կարկտահարվել են, ընդ որում՝ ոչ թե մեկ, այլ բազմակի անգամներ:
Հետաքրքիրն այն է , որ մարզպետն այս ոլորտի անհաջողությունները կատակով վերագրեց մարզպետարանի գյուղատնտեսական վարչության պետ Մովսես Մանուկյանին: Բանն այն է, որ անցած տարի ճիշտ այս ժամանակ պարոն Մանուկյանը իր տարեվերջյան հաշվետվությունը ներկայացնելիս շատ ոգևորվեց՝ ասելով, որ 2014 թվականին գյուղատնտեսությունը էլ ավելի է բարգավաճելու:
Շիրակի մարզպետը, հիշեցնելով անցած տարվա խոսակցությունը, կատակով ասաց. «Էս էլ էն ժամանակ հարցրեցի, թե աչքդ փորձա՞ծ է»: Փաստորեն, ըստ մարզպետի, ստացվում է, որ իր վարչության պետը աչքով տվեց ու 2014 թվականին գյուղերը համատարած կարկտահարվեցին:
Մարզպետը, խոսեց նաև մյուս ոլորտների մասին՝ Շիրակի մարզի սպորտի բնագավառի աննախադեպ հաջողությունների, մշակույթի ոլորտի ու առողջապահության մասին: Ֆելիքս Ցոլակյանը շեշտեց, որ այսօր Գյումրիից այլևս քչերն են գնում մայրաքաղաք բուժվելու, այդպես որ բարձրացել է որակը, բուժաշխատողների աշխատանքային պայմաններն են համեմատաբար լավացել, բայց միաժամանակ նկատեց, որ Գյումրիում սպասարկման կուլտուրան շատ է զիջում. կա մարդկանց հետ շփվելու, լավ վերաբերվելու խնդիր: Մարզպետը ցավով նկատեց, որ անբարեկիրթ շփումը այս մարզում ապրելաձև է դառնում:
Կարդացեք նաև
Իր դիտողությունները մի քանի բառով արտահայտելով, Ֆելիքս Ցոլակյանը նշեց, որ չի ուզում մարդկանց նախատոնական տրամադրությունը փչացնել ու ասաց՝ երբ հանդիպի առողջապահության ոլորտի ներկայացուցիչների հետ, ամեն ինչ նրանց ճակատին կասի:
Մանրամասները՝ տեսանյութում
Նունե ԱՐԵՎՇԱՏՅԱՆ
Թիվ 2 բուժմիավորման աշխատակից, չեմ ասում՝ բուժաշխատող, որովբհետև հեռու են այդ հասկացությունից,- անմարդկային ու դատապարտելի վերաբերմունքը հիվանդների հանդեպ անցնում է բոլոր սահմանները: Կինս 20 տարի տառապում է շաքարային դիաբետով, չնայած ապրում ենք Երևանում, բայց հաշվառված է կինս այդ բուժմիավորումում: Դեկտեմբերի 5-ին այցելել է բուժզննման: Նախորդ գիշեր եղել է կոմային վիճակում, շտապ օգնություն է եկել: Հիվանդության պատմությունը՝ անկետան, ձեռքին, գնացել է ԷԿԳ կաբինետ: Այստեղ բժշկուհին, արհամարհելով հիվանդի իսկապես ծանր վիճակը, հաշվի չառնելով անկետան և այդտեղ հաշվառված լինելու հանգամանքը, պահանջել է անձնագիր: Կինս ասել է, որ անձնագիրն իր հետ չէ: Այդ մարդ ու բժիշկ կոչվելու անարժանը հրաժարվել է բուժզննում իրականացնել: Վեց օր անց Երևանում պարզվեց, որ կինս ունի սրտի անբավարար սնուցում, գրեթե ճակատագրական էր նրա վիճակը: Երևանի թիվ 2 բուժմիավորումում ընդունեցին հարազատի նման, անգամ անձնագիր ու հաշվառում չպահանջեցին, մի քանի ժամ տրամադրեցին հետազոտմանը, նշանակումներ արեցին, հանձնարարեցին բուժքրոջը այցելել հիվանդին և ներարկումներ անել՝ անշահախնդիր: Ես Գյումրիում կատարված ստոր ու անմարդկային վերաբերմունքի մասին տեղյակ եմ պահել համաբուժարանի տնօրեն Սիրանուշ Ղուկասյանին: Հույս ունենամ, որ այդ …-ը կհեռացվի աշխատանքից: Նմաններն իրավունք չունեն բուժաշխատող կեչվել: