Ինչպես հայտնում է Trend գործակալությունը` Ֆրանսիայի, Մեծ Բրիտանիայի, Գերմանիայի, Իտալիայի եւ Ռուսաստանի ընկերությունները բանակցություններ են վարում Իրանի Գազային ազգային ընկերության հետ: Այս մասին հայտնել է Իրանի Գազային ազգային ընկերության Ներդրումների կոմիտեի ղեկավար Ասգար Սուհեիլիպուրը, նշվում է իրանական tasnimnews ինֆորմացիոն կայքում հրապարակված հաղորդագրության մեջ: Նրա փոխանցմամբ` բանակցություններ են ընթանում նաեւ Ճապոնիայի, Չինաստանի եւ Կորեայի հանրապետության հետ:
Ընդ որում, Սուհեիլիպուրը չի նշել ընկերությունների անունները, որոնց հետ բանակցություններ են ընթանում. «Օտարերկրյա ընկերությունների հետ քննարկվում են երկրի ներսում գազամուղների արդիականացման հարցերը, ինչպես նաեւ Իրանից` Իրաք, Թուրքիա, Պակիստան եւ այլ երկրներ գազամուղների կառուցման հարցերը», նշել է Իրանի Գազային ազգային ընկերության Ներդրումների կոմիտեի ղեկավարը:
