2013թ.հուլիսին «Հայհիդրոէներգոնախագիծ» ընկերության տնօրեն Սենիկ Ջուլհակյանը իր ներկայացուցիչ՝ փաստաբան Գեղամ Այվազյանի միջոցով դիմել էր Կենտրոն եւ Նորք-Մարաշ վարչական շրջանների ընդհանուր իրավասության դատարան՝ ընդդեմ Հայաստանի քաղաքագետների միության նախագահ Հմայակ Հովհաննիսյանի, «Առավոտ» օրաթերթ-ՍՊ ընկերության՝ հայցվորի պատիվը, արժանապատվությունը, գործարար համբավը վիրավորանքի ձեւով արատավորող արտահայտությունների համար ներողություն խնդրելուն, զրպարտության ձեւով արատավորող տեղեկությունները հերքում պարտավորեցնելու, փոխհատուցում ՝600 000 ՀՀ դրամի չափով պարտավորեցնելու պահանջով:
Դատավոր Կարինե Պետրոսյանի նախագահությամբ անդրանիկ դատական նիստը եղել է 2013թ. սեպտեմբերի 9-ին, դատավորը մերժել էր պատասխանողների գույքի վրա ապահովում կիրառելու մասին միջնորդությունը:Մինչ այսօր եղել է 13 դատական նիստ:
«Առավոտի» ներկայացուցիչ, ՀՀ փաստաբանների պալատի անդամ Լուսինե Մարտիրոսյանը հայտնեց, որ դատարան ներկայացած Սենիկ Ջուլհակյանի ներկայացուցիչ Գեղամ Այվազյանը քիչ առաջ հրաժարվեց իրենց հայցապահանջից:
Պատճառներից , թերեւս, մեկն այն էր, որ Հմայակ Հովհաննիսյանը նամակով դիմել էր «Առավոտ» օրաթերթին եւ հայտնել, որ եղել է թյուրիմացություն, հայտնել է իր ափսոսանքը:«Առավոտում» այսօր տպագրված Հմայակ Հովհաննիսյանի նամակը նույնպես ներկայացվեց դատարանին:
Կարդացեք նաև
Դատարանն իր որոշումը կհրապարակի մարտի 19-ին:
Ռուզան ՄԻՆԱՍՅԱՆ