Ղրիմում Ուկրաինայի զորքի զինաթափման նպատակով Ռուսաստանի իշխանությունը թերակղզում գաղտնի կերպով ծովային զորքեր է տեղեկայել: Այս մասին, ըստ Rosbalt.ru-ի, Ռուսաստանի նախագահ Վլադիմիր Պուտինը պատմել է Անդրեյ Կոնդրաշովի «Ղրիմ. վերադարձ հայրենիք» ֆիլմում:
Պուտինի խոսքերով՝ Ղրմում Մոսկվան «գործողությունների ընտրության հնարավորություն չի ունեցել, որովհետեւ պետք էր թերակղզու բնակիչներին պաշտպանել»: Նա նաեւ հավելել է, որ Ռուսաստանը պատրաստ է եղել Ղրիմի իրադարձությունների անբարենպաստ զարգացմանը եւ չի բացառել միջուկային զենքերի պատրաստության բերելը:
Gazeta.ru-ն էլ գրել է, որ նույն ֆիլմում Պուտինը ասել է նաեւ, որ եթե 2014 թվականի Ղրիմի իրավիճակը կրկնվեր, նա նույն կերպ կվարվեր: Նա ընդգծել է, որ երբեք դա չէր անի, եթե չկարծեր, որ հենց այդպես է պետք վարվել: Այս ամենի հետ մեկտեղ ՌԴ ղեկավարը նշել է, որ սառը պատերազմն ավարտվել է եւ պետք է խուսափել ճգնաժամներից:
Պուտինը Ղրիմում տեղի ունեցած քաղաքական փոխակերպումները բոլոր իրավական նորմերին համապատասխան է համարում: «Ղրիմի խորհրդարանը իշխանությունների լեգիտիմ, ամբողջական ներկայացուցիչն է, որը կազմավորվել է ողբերգական իրադարձություններից շատ առաջ»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
