ԲՀԿ խմբակցության պատգամավոր Ստեփան Մարգարյանն այսօր ԱԺ ճեպազրույցների վերջում, երբ լրագրողները բղավեցին՝ վա՜յ, Քիմ Քարդաշյանից մոռացանք հարցնել, նեղսրտեց. «Հա, այդ հարցը միայն ուրիշներին եք տալիս, չէ՞»:
Իսկ ԲՀԿ խմբակցության ղեկավար Նաիրա Զոհրաբյանը լրագրողների հետ զրույցում անդրադարձավ Քիմ Քարդաշյանի՝ բավականին աղմուկ բարձրացրած այցին:
Նրա խոսքերով՝ «Ինձ համար հասկանալի չէ այն անառողջ աժիոտաժը, որն առաջացել է Քիմ Քարդաշյանի այցի հետ կապված: Ես հետեւում էի միջազգային մամուլին, եւ աշխարհի ամենահեղինակավոր պարբերականներին, որտեղ 3 նախադասություն տեղադրելու համար առնվազն ՀՀ իշխանությունները պիտի ծախսեին մի քանի հարյուր հազար եվրո: Եվ այդ տաբլոիդները արդեն քանի օր է, Քիմ Քարդաշյանի այցի կոնտեքստում անդրադառնում է Հայոց ցեղասպանության խնդրին: 77 մլն միայն այցելու է եղել Քիմ Քարդաշյանի էջը, որտեղ ինքը հստակ նշել է, թե որն է եղել իր բուն նպատակը Հայաստան այցելության»:
Ըստ Նաիրա Զոհրաբյանի, «Daily News»-ը հսկայական հոդված է տպագրել Հայոց ցեղասպանության վերաբերյալ՝ այդ ամենը կապելով Քիմ Քարդաշյանի այցի հետ. «Ինձ համար հասկանալի չեն այդ իրարամերժ գնահատականները՝ ինչու է եկել եւ ինչու չի եկել: Երբեւէ Հայոց ցեղասպանության մասին այսպիսի հսկայական անդրադարձ համաշխարհային լրջագույն պարբերականներում չի եղել: Եվ իր սոցցանցի 77 մլն այցելուն արդեն հսկայական թիվ է հասկանալու համար նրա նշանակությունը»:
Կարդացեք նաև
Հարցին՝ այսինքն, նա ավելի՞ն է անում, քան ՀՀ իշխանությունն այս տարիների ընթացքում՝ Նաիրա Զոհրաբյանը պատասխանեց. «Այնպես է ստացվել, որ այդ կինն ունի համաշխարհային ճանաչում եւ մենք պիտի կարողանանք շնորհակալություն հայտնել, ոչ թե դատապարտենք, նրա անցյալում ինչ-որ բաներ գտնենք եւ դա կապենք իրար հետ: Նրա այցի շնորհիվ հատկապես այս շրջանում այսպիսի արձագանքներ եղան միջազգային թիվ 1 պարբերականներում»:
Հռիփսիմե ՋԵԲԵՋՅԱՆ
Մեր կանայք ավելի սթափ և հավասարակշռված են գնահատում Քիմի այցը, քան շատ ինքնահավան ու իրենց վարքով բարոյականության նորմեր սվաղող տղամարդիկ: երևի իրենց վեր ցցած քիթն է խանգարում շուրջը նայել: