«Հայաստանի նախագահ Սերժ Սարգսյանի ապշեցուցիչ շրջադարձից հետո Եվրամիությունն ու Հայաստանն սկսել են ասոցացման շուրջ տապալված համաձայնագրի վերամշակման գործընթացը»,-առցանց մամուլի ասուլիսին պատասխանելով լրագրողների հարցերին՝ այսպիսի կարծիք հայտնեց Եվրոպայի քաղաքականության կենտրոնի (ԵՄ արտաքին քաղաքականության հարցերի միություն) ղեկավար Սթիվեն Բլոկմանսը:
Նշենք, որ առցանց ասուլիսը կազմակերպվել է «Ռեգիոն» հետազոտական կենտրոնի նախաձեռնությամբ «Արդիական երկխոսություններ Հայաստանի նոր ինտեգրացիոն օրակարգի մասին» նախագծի շրջանակում:
Aravot.am-ի հարցին՝ արևմտյան շրջանակներից կարծիքներ են հնչում այն մասին, թե Հայաստանը թող երաշխիքներ չակնկալի Արևմուտքից, քանի որ անդամակցել է Եվրասիական միությանը, ուստի ի՞նչ ակնկալի Հայաստանը Եվրոպայից, պարոն Բլոկսմանն արձագանքեց. «Եվրոպայինը փափուկ ուժն է և այն չի կարող ռազմավարական, անվտանգության պինդ երաշխիքներ առաջարկել ԵԽ անդամ այն երկրներին, որոնք թիրախավորված են Մոսկվայի կողմից: Ռուսաստանի ցնցումը նոր բանավեճի պատճառ դարձավ, ուստի հունիսին ԵԽ-ն պատրաստվում է անդամ երկրների համար անվտանգության, բյուջեի և կարողությունների հարցերում լուրջ քննարկումներ վարել»: Հիշեցնելով Ռուսաստանի ցնցումները և Գազպրոմի անկանխատեսելի վարքը՝ պարոն Բլոկսմանը նշեց իրենց՝ Եվրոպական պաշտպանության միություն ստեղծելու նպատակադրվածության մասին, որը ՆԱՏՕ-ին է լրացնելու:
Պարոն Բլոկսմանի փոխանցմամբ՝ դժվար է կանխատեսել, թե կհաջողվի՞ արդյոք փրկել համաձայնագիրը՝ որպես Գործընկերության և համագործակցության շուրջ հնացած համաձայնագրի փոխարինող: Այնուհետև նա շեշտեց. «Այժմ Վիզային ռեժիմի ազատականացման գործընթացը և ՀՀ-ի կողմից քաղաքացիական ավիացիայի բնագավառի «Հորիզոն 2020» համաձայնագրի ստորագրումը միակ ակնկալիքն է մայիսի 21-22-ը Ռիգայում կայանալիք «Արևելյան գործընկերության» գագաթնաժողովից»: Սվիթեն Բլոկսմանի համոզմամբ՝ ԵՄ- Հայաստան համագործակցության խորհուրդը շարունակում է իր գոյությունը և պլատֆորմ է ծառայում բարձր մակարդակի բանակցությունների համար: Նա շեշտեց, որ Հայաստանը նաև շարունակում է ամենաբարձր քաղաքական մակարդակի մասնակցությունն «Արևելյան գործընկերության» բազմակողմանի ինստիտուտներում:
Կարդացեք նաև
Տաթև ՀԱՐՈՒԹՅՈՒՆՅԱՆ
«Վիզային ռեժիմի ազատականացման գործընթացը շարունակվում է»…………. արդեն 25 տարի: ԵՄ-ի համար Հայաստանը բացել է իր սահմանները(դուք 1-ին սորտի եք), իսկ Հայաստանի համար գործընթացը շարունակվում է(մենք 2 , կամ 4 -րդ սորտ-ենք ԵՄ-ի համար): Էլ ինչ պայմանագիր??