Շիրակի մարզի Ամասիայի տարածաշրջանի ամենահեռավոր, սահմանամերձ գյուղերից մեկը` Բերդաշենը, որը գտնվում է ենթաալպիական գոտում եւ որտեղ միլիարդներ ծախսեցին Արփա լճի ազգային պարկը հիմնելու՝ գյուղը աշխատատեղերով ապահովելու, հանգստյան գոտու ու տուրիստական կենտրոնի վերածելու նպատակով, այսօր դատարկվում է:
Գյուղացիները մեզ հետ զրույցում ասում էին, որ վաճառքի են հանել անասունները, որպեսզի ընդմիշտ հեռանան: «Էստեղ փոս է, չգիտես տներդ ու անասունները ո՞նց վաճառես, որ հեռանաս, էստեղ ընկնողը դուրս չի գալիս: Ապագա չկա էստեղ, դատարկություն է, մեր գյուղացիների մեծ մասն արդեն լքել է գյուղը, տարբեր ուղղություններով են հեռացել: Ես Ռուսաստան, Արմավիր եմ գնալու, գնացել, արդեն տարածք եմ վերցրել: Մեր կառավարությունը ոչ մի բան չի անում, մենք ստիպված ենք գնալ … Եթե կարողանամ անասուններիս ծախել, տունս էլ խեղճ մարդկանց նվիրատվություն կանեմ ու կհեռանամ »,-հիասթափված ասաց գյուղացիներից մեկը:
Մյուսն էլ պատմեց, որ ինքն արդեն իսկ բնակվում է ՌԴ-ում՝ Տյումենում, այնտեղ մեծ արտոնություններ են տալիս հայազգի ներկայացուցիչներին անասնապահությամբ զբաղվելու համար: Ըստ նրա, ՌԴ-ում մանր ձեռներեցներին հարկերից ազատում են: Վերջինս եկել է իր անասուններին վաճառի ու տեղափոխվի: «Տեսեք այլազգիները մեզ արտոնություններ են տալիս, որ գնանք ու ապրենք իրենց երկրում, իսկ մեր գյոզալ հողում էկոլոգիապես մաքուր կաթնամթերք ենք արտադրում, բանի տեղ չեն դնում: Մենակ մեր գյուղով կարող ենք ամբողջ Գյումրի քաղաքի համար կաթնամթերք արտադրել, բայց շահագրգռողն ո՞վ է: Իսկ եթե էսպես շարունակվի, էս գյուղը իր տարածքներով հնարավոր է անցնի մի մեծահարուստի, մնա ինքն ու իր բանվորները»:
Կարդացեք նաև
Տղամարդկանցից մեկն էլ փաստեց, որ իր աներձագը, լինելով համալսարան ավարտած, զբաղեցնելով դպրոցի տնօրենի պաշտոնը, լքեց հայրենիքը, տեղափոխվեց Ռուսաստան, 150 քառակուսի մետրանոց ջերմոց հիմնեց, որից երկու ամսվա ընթացքում 6000 դոլար եկամուտ է ստացել:
Այս գյուղի նախկին գյուղապետն էլ փաստեց, որ գյուղի 75 տնտեսությունից մնացել է ընդամենը 30-ը:
Նունե ԱՐԵՎՇԱՏՅԱՆ
Իսկ գիւղում եկեղեցի կա՞յ: Այ տեսնո՞ւմ էք, հաւանաբար չկայ, դրա համար էլ էդ օրին էք,,
– – –
տուրիստական = ԶԲՕՍԱՇՐՋԱՅԻՆ
Ելք կա, տեսնող չկա, քանի որ դրա համար ցանկություն և եռանդ են պետք: Դրանք էլ չճարվող ապրանք են Հայաստանում: Եթե կառավարությունը ամեն գնացողի համար չի մտահոգվում, դա հակակառավարություն է: