Կարինե Աճեմյանի փոխանցմամբ՝ ինքը նախընտրում է օգտվել միջին գին ունեցող բրենդային խանութներից, ինչպիսին են, օրինակ, Max Mara-ն կամ Zara-ն։ Աճեմյանը միեւնույն ժամանակ հավելեց, որ շատ բարձր գնով զգեստներ չի հագնում եւ գնումներ մեծ մասամբ կատարում է արտասահմանից։
Պատգամավորը հիշեց, որ օրինակ վերջին գնումը կատարել է Փարիզում՝ գնելով բաճկոն Massimo Dutti հավաքածուից:
Մեկ այլ պատգամավոր՝ Արփինե Հովհաննիսյանը, նույնպես նախընտրում է կրել դասական ոճի հագուստներ, դրանք կարողանում է համատեղել առանձին աքսեսուարների հետ եւ ստանալ նորաոճ լուծումներ։ Պատգամավորը մեզ հետ զրույցում նշեց, որ սիրում է դեղինի, կապույտի եւ մանուշակագույնի երանգները, սակայն չի առաջնորդվում կոնկրետ բրենդի նախապատվությամբ։ Արփինե Հովհաննիսյանը նշեց Michael Kors, Armani բրենդները, որոնցից, իր խոսքով, հաճախ օգտվում է։
Պատգամավորն անկեղծացավ, որ առավելապես գնումներ կատարում է Հայաստանում, նրան հաճախ կարելի է տեսնել հայաստանյան առեւտրի կենտրոններում։
Կարդացեք նաև
Մեկ այլ ՀՀԿ-ական պատգամավոր՝ Ռուզան Մուրադյանն էլ, խոսելով ոճի ու նորաձեւության մասին, ընդգծեց, որ իր զգեստապահարանում առկա են բոլոր գույները, սակայն առավելապես նախընտրում է սպիտակ գույնը, խուսափում սեւից։ Մասնագիտությամբ մանկավարժ պատգամավորը նախընտրում է օգտվել Casper, Zara եւ Calvin Klein բրենդներից:
Լիլիթ ԼԱԼԱՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
