«Գեներալը ոչ թե վիրավորեց, այլ փորձեց պաշտպանել իր ընկերոջը, դա էլ նրա կարծիքն է»,- «Առավոտի» հետ զրույցում ասաց ՀՀԿ-ական պատգամավոր Մարգարիտ Եսայանը՝ անդրադառնալով երեկ խորհրդարանի միջանցքում սկսված, ապա դահլիճում շարունակված Սեյրան Սարոյան-Զարուհի Փոստանջյան վեճին:
Սեյրան Սարոյանը սկսեց նախատել Զարուհի Փոստանջյանին` Սուրիկ Խաչատրյանի եւ նրա որդու հետ կապված նախաձեռնության առիթով: Նախատինքը սահուն վերածվեց վիրավորանքների: «Ես հետեւել եմ երկու պատգամավորների զրույցին, դա փոխադարձաբար հարգալից զրույց էր, բայց, այո, բավական լարված մթնոլորտում»,- ասաց Մարգարիտ Եսայանը` հավելելով. «Կարծում եմ՝ որպեսզի այս լարվածությունները չլինեն, պիտի գործի օրենքը բոլորի համար հավասար»:
