Անազատության մեջ գտնվող «REAL» շարժման առաջնորդ Իլգար Մամեդովը շնորհավորել է Թուրքիայի բոլոր կուսակցություններին այդ երկրում անցկացված խորհրդարանական ընտրությունների առթիվ: Այս մասին, հղում կատարելով թուրքական «Ազադլիգ» թերթին, գրում է Haqqin.az-ը:
Իլգար Մամեդովը նշել է, որ անցկացված խորհրդարանական ընտրությունները հրաշալի ժողովրդավարական փորձ է, որը «նոր շունչ կտա Ադրբեջանի ժողովրդավարական ուժերին»:
Ազատազրկված ընդդիմադիր գործիչը հույս է հայտնել, որ Թուրքիայում անցկացված խորհրդարանական ընտրությունները կմեծացնեն Լեռնային Ղարաբաղի հակամարտության կարգավորման հնարավորությունները: Նա ընդգծել է, որ «REAL» շարժումը 2009 թվականին միակ քաղաքական կազմակերպությունն էր, որը կողմ էր հայ-թուրքական սահմանի բացմանը:
«Եթե այն ժամանակ սահմանները բացեին, Հայաստանի դիրքորոշման մեջ լուրջ փոփոխություններ կլինեին, որոնք էլ հնարավորություն կստեղծեին Լեռնային Ղարաբաղի հակամարտության խաղաղ կարգավորման համար: Հույս ունեմ, որ Թուրքիայի նոր կառավարությունը ճիշտ քայլեր կձեռնարկի Ադրբեջանի տարածքային ամբողջականությունը վերականգնելու համար»,- հավելել է նա:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
