Քաղաքագետ Ստեփան Գրիգորյանը հունիսի 17-ին «Տեսակետ» մամուլի ակումբում լրագրողների հետ հանդիպման ընթացքում կառավարությանը հիշեցրեց, որ Հայաստանը ե՛ւ ցամաքային, եւ օդային մասամբ շրջափակման մեջ է:
«Մի քանի օր առաջ «Ռուսական երկաթուղիներ» ընկերության տնօրենն ասաց՝ մենք դեմ ենք, որ այդ Հայաստան-Իրան երկաթգիծը կառուցվի եւ սկսեց ինչ-որ բացատրություններ տալ: Այդ նրա գործառույթը չի, թո՛ղ իր գործառույթներով զբաղվի, ընտանիք ունի, պաշտոն ունի, թո՛ղ գնա եւ իր գործերով զբաղվի»,- ասաց նա
Ըստ քաղաքագետի՝ Հայաստան-Իրան երկաթգծի կառուցելու դեպքում անիմաստ կդառնա հայ-թուրքական սահմանը փակ պահելը եւ հայ-ադրբեջանական սահմանին կրակելը: Նա դիմեց կառավարությանը՝ Իրան-Հայաստան երկաթգծի կառուցմանը լուրջ նայել. «Այլընտրանքը շատ կարեւոր է, երբ որ լինի Հայաստան-Իրան երկաթգիծը, մեխանիկորեն անիմաստ կդառնա փակ պահել հայ-թուրքական սահմանը: Այստեղ փող չեն հաշվում: Երկաթգիծը, որ Վրաստանից Թուրքիա կառուցում են շատ թանկ է, բայց կառուցում են, եւ նվազագույնը քսան տարիների ընթացքում եկամուտ չեն ստանալու, բայց իրենք կառուցում են»:
Ստեփան Գրիգորյանը առաջնահերթ է համարում նաեւ օդային կապերի խնդիրը: Նա զարմանալի է համարում, որ իրար հետեւից չվերթներ են փակվում, նա հավելեց, որ հավաստի տվյալներ ունի, որ պահանջում են փակել Երեւան-Կիեւ չվերթը եւ մի քանի այլ չվերթներ եւս: Քաղաքագետը պատկան մարմիններից պահանջում է պարզաբանել, թե ինչո՞ւ են աշխատող եւ համեմատաբար էժան չվերթները փակվում:
Կարդացեք նաև
Ամի ՉԻՉԱԿՅԱՆ
