Ե.Բիբինը հայտարարում է, որ չի կարող երաշխավորել մատակարարվող էլեկտրաէներգիայի որակն ու հուսալիությունը, ինչպես նաեւ անհնարին է համարում պարտականությունների ամբողջ ծավալով կատարումը։ Այնինչ դրանք լիցենզիայով սահմանված պարտավորություններ են, որ ստանձնել է ընկերության սեփականատերը։
Դրանց խախտման դեպքում կարգավորող մարմինն իրավունք ունի կիրառել համարժեք պատժամիջոցներ՝ ընդհուպ զրկել լիցենզիայից։ Այդ պարագայում Հանձնաժողովը կարող է պարտավորեցնել՝ շարունակել սպառողների անխափան էներգամատակարարումը մինչեւ նոր լիցենզիայի տրամադրումը։ Հրաժարվելու դեպքում ընկերությունը հարկադրված է լինելու կառավարության հետ համաձայնեցնելով՝ օտարել բաժնետոմսերը։
-Լիցենզիայից զրկված անձի գործունեության նոր լիցենզիա ստանալու պայմանները չբավարարելու եւ իր սեփականությունը կազմող լիցենզավորված գործունեության իրականացումն ապահովող գույքային համալիրը չօտարելու դեպքում, որպես բացառիկ միջոց, այդ գույքը կարող է Հայաստանի Հանրապետության սահմանադրության 28-րդ հոդվածով սահմանված կարգով՝ օրենքի հիման վրա, օտարվել պետությանը եւ հասարակության կարիքների համար՝ նախնական համարժեք փոխհատուցմամբ,- ասվում է Էներգետիկայի մասին օրենքում։
Իհարկե, լիցենզավորված ընկերությունը եւս կարող է հրաժարվել լիցենզիայից։ Բայց հազիվ թե կարելի է կարծել, որ բաշխիչ ցանցերի ղեկավարի մտքով անգամ նման բան կարող է անցնել։ Նա պարզապես մտադիր է որոշակի փոփոխություններ պոկել լիցենզիայի պայմաններում։
Կարդացեք նաև
Հենց դրա համար էլ սակագների սահմանումից հետո ընկերությունը պատրաստվում է դիմել Հանձնաժողովին։
Վասակ ԹԱՐՓՈՇՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
