Ազատութեան հրապարակը գրաւուած է ազատութեան շունչով տոգորուած երիտասարդներով:
Ուղիղ եթերով կը հետեւէի ելեկտրականութեան սակի բարձրացման դէմ ձեռնարկուած հաւաքին, որ բաց՝ հրապարակային քննարկումէ ետք, կազմակերպողներուն կողմէ վերածուեցաւ երեքօրեայ նստացոյցի:
Յատկապէս լարուած էի (երեւանեան ժամով) ժամը 10ին: Լուր տարածուած էր, որ ոստիկանութիւնը ժամը 11ին պիտի հեռացնէ հրապարակին վրայ մնալ որոշող ցուցարարները։
Ցոյցը ղեկավարող երիտասարդները ներկայ բազմութեան յորդորեցին կարգապահ մնալ, գրգռութիւններու չենթարկուիլ:
Ժամը 11ը հասաւ: Փոխոստիկանապետ Վալերի Օսիպեան մօտեցաւ ցոյցի պատասխանատուներուն եւ անոնց հետ զրոյցէն պարզուեցաւ, որ ոստիկանութիւնը թոյլ պիտի տայ ցուցարարներուն մնալ հրապարակին վրայ, եթէ հաւաքը խաղաղ շարունակուի:
ԱԲՕ ՊՈՂԻԿԵԱՆ
Հրապարակումն ամբողջությամբ՝ asbarez.com-ում:
