Ռումինացի եւ գերմանացի փորձագետները իրենց կատարած ուսումնասիրությունների արդյունքում հանգել են այն եզրակացությանը, որ Եվրամիության «Արեւելյան գործընկերություն» ծրագիրը բարեփոխումների կարիք ունի:
«Publika»-ի փոխանցմամբ՝ Եվրոպական քաղաքականության ռումինական եւ գերմանական կենտրոնների զեկույցում նշված է, որ 6 երկրներից բաղկացած այս ծրագրի ձեւաչափն այժմ չի աշխատում: Հեղինակները կարծում են, որ պատճառը Եվրամիության նկատմամբ Հայաստանի, Ադրբեջանի եւ Բելառուսի երկակի վերաբերմունքն է: Նրանք կարծում են, որ Եվրամիությունը պետք է մեծ աջակցություն ցուցաբերի Մոլդովային, Վրաստանին եւ Ուկրաինային:
Փաստաթղթում նշվում է, 6 երկրների ձեւաչափով Ռիգայում կայացած «Արեւելյան գործընկերության» գագաթնաժողովը պետք է վերջինը լինի: Նոր ձեւաչափում պետք է լինեն Մոլդովան, Վրաստանը եւ Ուկրաինան, իսկ մնացած 3 երկրների հետ հարաբերությունները պետք է պահպանվեն: Փորձագետների առաջարկած նոր ձեւաչափի ուշադրության կենտրոնում պետք է լինի Մոլդովայում, Վրաստանում եւ Ուկրաինայում Ասոցացման համաձայնագրի ամբողջական իրականցումը:
Հետազոտությունում ընդգծվում է, որ մոտակա 10 տարիների ընթացքում Մոլդովան, Վրաստանը եւ Ուկրաինան պետք է հաստատեն Եվրամիության ակտերի 80%-ը, որոնք պարտադիր են ԵՄ անդամ երկրների համար:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
