Տնտեսական ոչ բարվոք իրավիճակը հանգեցրել է Հայաստանում գործազրկության ավելացման։ Աշխատունակ բնակչության ավելի քան 19 տոկոսը աշխատանք չունի։ Նախորդ տարվա համեմատ գործազրկության ցուցանիշն ավելացել է 1,3 տոկոսով։
Առաջին հայացքից գուցե տարօրինակ է, որ տնտեսական աճի պայմաններում ավելանում է գործազրկությունը։ Ինչպես հայտնի է, տարեսկզբի 5 ամիսների տվյալներով, Հայաստանում արձանագրվել է 2,7 տոկոս տնտեսական աճ։ Թվում է, թե դա պետք է հանգեցներ գործազրկության նվազեցման, սակայն տեղի է ունեցել հակառակ երեւույթը։
Պատճառն այն է, որ տնտեսության ակտիվությունը պայմանավորված է սահմանափակ ոլորտներում տեղի ունեցող զարգացումներով։ Խոսքը առաջին հերթին վերաբերում է գյուղատնտեսությանը, որտեղ տնտեսական աճը հիմնականում քիչ կապ ունի զբաղվածության ավելացման հետ։
Արդյունաբերության մեջ տնտեսական ակտիվություն է գրանցվել հանքարդյունաբերության, ծխախոտի արտադրության եւ որոշ այլ ոլորտներում։ Բայց դրանցում աշխատատեղերի ավելացումը բավարար չի եղել այլ ոլորտներում արձանագրված կրճատումները չեզոքացնելու համար։
Պաշտոնական տվյալներով, տարեսկզբին Հայաստանում գործազուրկների թիվն ընդհուպ մոտեցել է 259,5 հազարի։ Այն 5,6 հազարով գերազանցել է նախորդ տարվա նույն ժամանակահատվածի ցուցանիշը։
Կարդացեք նաև
Գործազուրկների քանակը մեծ է հատկապես քաղաքային բնակավայրերում։ Գերազանցապես նրանց հաշվին էլ տեղի է ունեցել աճը։
Ս. ԲԵԳԼԱՐՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
