ՀՀ ԱԺ նախագահ Գալուստ Սահակյանը թերահավատորեն ու հեգնանքով է մոտենում ընդդեմ սահմանադրական բարեփոխումների անցկացվելիք «ոչ»-ի շարժմանը:
Հիշեցնենք, որ ՀԱԿ-ը հայտարարել է, որ իշխանությունները կստանան «ոչ»-ի շարժում, եթե անտեսեն Վենետիկի հանձնաժողովի գնահատականը:
Այս առիթով խորհրդարանի խոսնակն ասաց. «Նմանողականության շարժում է, մեր ազգային ըմբռնումներում նման շարժում չի կարող լինել: Եվրոպայում անում են, ուստի, որ եվրոպական մեսիջներն առավել լինեն իրենց նկատմամբ, իրենք էլ են անում նման շարժում: Ի՞նչ է նշանակում «ոչ»-ի շարժում: Ամբողջ օրը «ոչ»-ի շարժում եք անում, մի օր էլ արեք բարեփոխումների շարժում: Բայց ոչ, «ոչ»-ի շարժումը խմորումներ առաջացնող է, ինչ-որ մի տեղ լիցքավորում է մարդկանց»:
Հարցին՝ ըստ նրա՝ հանրության քանի՞ տոկոսն է «կողմ» սահմանադրական բարեփոխումներին, Գալուստ Սահակյանն արձագանքեց. «Հանրաքվեն կտա այդ հարցի պատասխանը: Երբ ոմանք հոռի խոսում են, հասարակությունից տեղյակ չեն, թվում է, թե այդ մարդիկ մի տասն օր հասարակության մեջ ման են եկել, այնինչ մի մարզ էլ չեն գնացել»:
Կարդացեք նաև
Պարոն Սահակյանը հստակեցնելով հանրաքվեի ժամկետներն ասաց, որ այն կլինի աշնան վերջում:
Տաթև ՀԱՐՈՒԹՅՈՒՆՅԱՆ
Սրտիցս ուղղակի արյքւն է կաթում, տեսնելով, թե երբեմնի կրթության ու գրագիտության երկիրը ում հույսին մնացել, ով է տնօրինում…
….սնանկ ու սնամեջ մի ,,երևույթ,, ում քաջնազար ասելն էլ քիչ է….