«Ոտքի Հայաստան» նախաձեռությունը օգոստոսի 21-ին հանրահավաք էր հրավիրել: Ինչպես տեղեկացրել էինք, մինչեւ հանրահավաքի սկսվելը ոստիկանները բերման էին ենթարկել Անդրիաս Ղուկասյանին եւ նախաձեռնության երկու այլ անդամների:
«Ոտքի Հայաստան» նախաձեռնության անդամ Դավիթ Հովհաննիսյանը հայտարարեց, որ իրենք Հանրապետության հրապարակ անվադողեր էին բերել ոչ թե վառելու համար, այլ բեմ պատրաստելու համար:
Նա նշեց, որ հանրահավաք չի լինի: Նախաձեռնության անդամները կդիմեն քաղաքացիական անհնազանդության եւ մի քանի գաղափարակիցների հետ շտապեց դեպի Ամիրյան-Սարգսյան խաչմերուկ եւ նստեց հետիոտնային անցումի վրա:
Կարդացեք նաև
Ոստիկաններին շտապեցին ազատել անցումը, սակայն ակտիվիստները մի քանի անգամ վերադարձան: Ստեղծվեց լարված իրավիճակ: Ոստիկանները բռնի ուժի դիմեցին եւ նույնիսկ մի ոստիկան հայհոյեց եւ հարվածեց մի տարեց տղամարդու:
Դրանից հետո մի քանի ակտիվիստներ վազեցին դեպի Հանրապետության հրապարակի գորգ եւ նստեցին: Ոստիկանները բերման ենթարկեցին 3-4 ակտիվիստի, այդ թվում՝ նաեւ Դավիթ Հովհաննիսյանին ու այն տղամարդուն, որին ապտակել եւ հայհոյել էր ոստիկանը:
Ամի ՉԻՉԱԿՅԱՆ
