«Սուրբ Գրիգոր Լուսավորիչ» հիվանդանոցի բակում այս պահին հավաքվել են ազատամարտիկներ տարբեր կառույցներից: Նրանք եկել են սատարելու Սմբատ Հակոբյանին, որը երեկ դաժան ծեծի էր ենթարկվել:
Սամսոն Ղազարյան
Մուշեղ Սաղաթելյան
Արմեն Աղայան
Սմբատ Հակոբյանի հետ կատարվածը ազատամարտիկները որակում են ոտնձգություն անկախության նկատմամբ: Այլ որակում նրանք չեն կարողանում գտնել, քանզի Անկախության 24-րդ տարեդարձի օրը անկախության հիմնադիրներից մեկին նման դաժան ծեծի ենթարկելը այլ բան չի ասում: 
Aravot.am-ի հետ զրույցում Ազատամարտիկների դաշինքի համակարգողներից Ռազմիկ Պետրոսյանը դիմելով իշխանություններին՝ ասաց . «Եթե դուք չհայտնաբերեք մեղավորներին եւ չպատժեք, մենք ենք պատժելու»:
Aravot.am-ը Ռազմիկ Պետրոսյանից նաեւ հետաքրքրվեց, թե ի՞նչ կապ ունի այս ամբողջ պատմության հետ Հայաստանի ֆուտբոլի ֆեդերացիայի նախագահ Ռուբեն Հայրապետյանը: Պարոն Պետրոսյանն ասաց, որ ինքը շատ հստակ չգիտի, բայց կարող է ասել, որ Սմբատ Հակոբյանը ճանաչել է իրեն ծեծողներին եւ նրանք Ռուբեն Հայրապետյանի թիկնազորից են:
Կարդացեք նաև
Զրույցի այլ մանրամասները՝ տեսանյութում:
Արդեն տեղեկացրել ենք, որ Սմբատ Հակոբյանը տեղափոխվել է հիվանդասենյակ, սակայն լրագրողներին բժիշկները թույլ չեն տալիս տեսակցել Հակոբյանի հետ:
Նելլի ԳՐԻԳՈՐՅԱՆ
