Մաշտոցի պուրակից ոստիկանության Երևան քաղաքի վարչության Կենտրոնականի բաժին է քիչ առաջ բերման ենթարկվել «Չեք անցկացնի» շարժման մասնակից Վարդան Հարությունյանը:
Վարդան Հարությունյանը Մաշտոցի պուրակի տարածքում փորձել է իրացնել իր հայացքներն ազատորեն տարածելու սահմանադրական իրավունքը՝ «Ոչ» գրությամբ գրաֆիտի պատկերելով հանրային սեփականություն հանդիսացող վայրում, ինչը խոչընդոտվել է իրավապահների կողմից:
Նշենք, որ Չեք անցկացնի շարժման ևս չորս անդամ՝ Հրայր Մանուկյանը, Արթուր Մինասյանը, Կարպիս Փաշոկյանն ու Հայկ Ավետիքյանը գիշերը նույնպես բերման էին ենթարկվել ոստիկանության Կենտրոնականի բաժին՝ «Ո՛չ» գրությամբ գրաֆիտի պատկերելու հիմքով: Չորս քաղաքացիները մի քանի ժամ անց ազատ էին արձակվել, այնուամենայնիվ բերման ենթարկելու պահին և ոստիկանության Կենտրոնականի բաժնում խախտվել են Հայաստանի Հանրապետության օրենսդրության մի շարք դրույթներ:
Զանգվածային լրատվության միջոցներին, իրավապաշտպան կազմակերպությունների ներկայացուցիչներին, Հայաստանում գործող միջազգային կազմակերպություններին առաջարկում ենք ուշադրությունը սևեռել ոստիկանության ոչ իրավաչափ գործողությունների վրա:
Կարդացեք նաև
Հիշեցնենք նաև, որ «Չեք անցկացնի»-ն հոկտեմբերի 2-ին՝ ժամը 18:00-ին Երևանի Ազատության հրապարակում հրավիրել է հանրահավաք, որի ժամանակ ելույթ են ունենալու նաև սահմանադրական փոփոխություններին դեմ քաղաքական միավորների ներկայացուցիչները:
Լուսանկարում՝ Վարդան Հարությունյանը
«Չեք անցկացնի»
«սահմանադրական իրավունք»,
«օրենսդրության մի շարք դրույթներ»,
«իրավաչափ գործողություններ»…
այս բոլոր սիրուն յղացքները վերաբերում են նորմալ երկիրների
իսկ Հայաստանը տակաւին շատ հեռու է նորմալ երկիր լինելէ
հետեւաբար, այդ «Հայաստանում գործող միջազգային կազմակերպություններ»ը թող բարեհաճին իրենց կարծիքները զետեղել… հոն ուր արեւը երբեք չի փայլիր