Այսօր ծանրամարտի Հայաստանի տղամարդկանց եւ կանանց ազգային հավաքականները Կազանում անցկացված ուսումնամարզական հավաքի վերջին մարզումն անցկացրին:
Երեկոյան նրանք մեկնում են Մոսկվա եւ անմիջապես «Շերեմետեւո» օդանավակայանից Մոսկվա-Ամստերդամ-Հյուսթոն չվերթով մեկնում են ԱՄՆ՝ մասնակցելու նախաօլիմպիական վարկանիշային աշխարհի առաջնությանը:
Հավաքականների կազմում օլիմպիական վարկանիշերի եւ հնարավորություն ընձեռվելու դեպքում՝ աշխարհի առաջնության մեդալների համար պայքարելու են:
Տղամարդիկ. 69 կգ՝ Վանիկ Ավետիսյան, 77 կգ՝ Տիգրան Մարտիրոսյան եւ Անդրանիկ Կարապետյան, 105 կգ՝ Սիմոն Մարտիրոսյան, +105 կգ՝ Ռուբեն Ալեքսանյան եւ Գոռ Մինասյան:
Կարդացեք նաև
Կանայք. 53 կգ՝ Աննա Գովելյան, 58 կգ՝ Իզաբելլա Յայլյան, 69 կգ՝ Նազիկ Ավդալյան, 75 կգ՝ Սոնա Պողոսյան, +75 կգ՝ Հռիփսիմե Խուրշուդյան:
Աշոտ ՀԱԿՈԲՅԱՆ
Լուսանկարը Aravot.am-ի խնդրանքով Կազանից տրամադրել է հավաքականների բժիշկ Դավիթ Մոսինյանը
