Իրաքի կառավարությունը ծրագրում է նվազեցնել Թուրքիայի կրկվող ձեթի քանակը: Ըստ «Reuters»-ի՝ պատճառը երկու երկրների միջեւ քաղաքական հարաբերությունների սրացումն է:
Իրաքի առեւտրի նախարարության խոսնակը հայտարարել է, որ այդ կառույցի աշխատակազմն աստիճանաբար կնվազեցնի ձեթի ներկրում, ինչը կառավարությունն անվճար մատակարարում է բնակչությանը:
«Ծրագրվում է թուրքական ձեթը փոխարեն տեղականով եւ այլ երկրների արտադրանքով»,- ասել է նա, սակայն չի նշել պատճառը:
Բաղդադի «al-Bayina al-Jadida» թերթն այս որոշումը պայմանավորել է Իրաքի հյուսիսում թուրքական զորքերի տեղակայմամբ: Թուրքիան պնդում է, որ այս զորքերն անհրաժեշտ են պաշտպանելու իր զինվորական անձնակազմին, որոնք Իրաքի զինվորականներին մարզում են «Իսլամական պետության» զինյալների դեմ կռվելու համար:
Կարդացեք նաև
Իրաքի առեւտրի նախարար Մոհամեդ Շիա ալ-Սուդանին անցյալ շաբաթ Բաղդադում Հայաստանի դեսպան Կարեն Գրիգորյանի հետ քննարկել էր Թուրքիայի փոխարեն Հայաստանից ձեթի ներմուծման տարբերակը:
Իրաքում Հայաստանի դեսպանատան պաշտոնյան փոխանցել է, որ հանդիպումն իրոք տեղի է ունեցել, սակայն այլ մանրամասներ չի տրամադրել:
Պատրաստեց Աշոտ ԻՍՐԱԵԼՅԱՆԸ
