Aravot.am-ը Չեխիայում լույս տեսնող «Օրեր» համաեվրոպական ամսագրի գլխավոր խմբագիր Հակոբ Ասատրյանից հետաքրքրվեց՝ կա՞ ընթերցանության ճգնաժամ Չեխիայում, մի բան, որ համընդհանուր բնույթ է կրում ողջ աշխարհում:
«Դա Չեխիային չի վերաբերում, որովհետեւ չեխերը շատ կարդացող ժողովուրդ են: Այստեղ երեւի բոլոր եվրոպական երկրներից ամենաշատն է այնքան գիրք վաճառվում: Չեխիայում դեռեւս գործում են մի քանի հարկանի գրախանութներ, անգամ մեգագրախանութներ»,-ասաց Հակոբ Ասատրյանը:
Նա մի փաստ էլ բերեց՝ եվրոպական ոչ մի լեզվով Վիլյամ Սարոյանն այնքան հաճախ լույս չի տեսնում, չեխերն այնքան են թարգմանել, որ երեւի եվրոպական ոչ մի լեզվով Սարոյանն այդքան հաճախ լույս չի տեսնում, որքան չեխերեն:
«Չեխիայում պահպանվել է նաեւ Ամանորին ու Սուրբ Ծնունդին գիրք նվիրելու ավանդույթը: Նոր տարուն ուտելիք վաճառող սուպերմարկետների հերթը նույնքան է, որքան գրախանութներինը: Ինչ վերաբերում է տեղի հայերին, նրանք ավելի նախընտրում են համացանցը, թեեւ հին սերունդը մեծ հաճույքով է կարդում, թե ամսագիր, թե գիրք»,-համոզված է «Օրեր ամսագրի գլխավոր խմբագիրը:
Կարդացեք նաև
Գոհար ՀԱԿՈԲՅԱՆ
Լուսանկարը՝ Հակոբ Ասատրյանի ֆեյսբուքյան էջից
