Դաշնակցությունը դուրս էր եկել կոալիցիայից հայ-թուրքական արձանագրությունների պատճառով, հիմա ՀՅԴ-ն նորից հետ է եկել կոալիցիա, ու սա Թուրքիան միանշանակ օգտագործելու է:
«Ես անձամբ վստահ եմ, որ 2017-ին ինչքան էլ իշխանությունները փորձեցին, որ Սահմանադրական փոփոխություններով հանգիստ անցնեն, հակառակն է լինելու: Վստահ եմ, որ իրենք փոշմանելու են իրենց քայլից: Վստահ եմ, որ խորհրդարանական ճանապարհը մեր ճանապարհը չէր: Վստահ եմ, որ այսպես իրենք լուրջ խնդիրներ առաջացրեցին իրենց համար, իսկ ՀՅԴ-ի հետ կոալիցիա կազմելով՝ դա կրկնապատկվեց: Էդ ամեն ինչն իր արդյունքը տալու է,»,- «Առավոտի» հետ զրույցում այսպիսի կարծիք հայտնեց «Հանրապետություն» կուսակցության նախագահ Արամ Սարգսյանը:
Ըստ նրա, ուզում ենք մենք, թե չենք ուզում, այս տարածաշրջանն Արեւմուտքին հետաքրքրում էր նաեւ այն խնդրով, թե ինչքանով հայ-թուրքական համաձայնություն տեղի կունենա եւ սահմանները կբացվեն. «Դաշնակցությունը դուրս էր եկել կոալիցիայից հայ-թուրքական արձանագրությունների պատճառով, հիմա ՀՅԴ-ն նորից հետ է եկել կոալիցիա, ու սա Թուրքիան միանշանակ օգտագործելու է, Արեւմուտքն էլ է օգտագործելու: Սրանով Ադրբեջանը նաեւ քարտ-բլանշ է ստանում: Սա կոպիտ սխալ էր արտաքին քաղաքական առումով, ինչն արեց գործող իշխանությունը, եւ այդ սխալի արդյունքները, վստահեցնում եմ, ինքը քաղելու է 2017-ին»:
Մեր դիտարկմանը՝ ՀՅԴ-ն վստահեցնում է, որ Սերժ Սարգսյանն է եկել իրենց համոզման, ոչ թե հակառակը, եւ գրողի ծոցն է արդեն ուղարկել հայ-թուրքական արձանագրությունները՝ Արամ Սարգսյանն ի պատասխան ծիծաղեց՝ չհամաձայնելով:
Կարդացեք նաև
Հռիփսիմե ՋԵԲԵՋՅԱՆ
