Տավուշի մարզում, Հայաստան- Վրաստան միջպետական ավտոճանապարհին հաճախ կարելի է տեսնել ընտանի կենդանիների: Բնակավայրերի տարածքով ձգվող ճանապարհին վարորդները հանդիպում են առավոտյան արոտավայր տարվող կամ իրիկունը այնտեղից բերվող կովերի նախիրների, ոչխարի հոտերի: Դիլիջան-Իջեւան ավտոճանապարհին թափառող նախիրներ եւ ձիերի երամակներ կան:
Ձմռանը ձիերը լիզում են ճանապարհի ձյան շերտը հալեցնելու համար միջպետական ավտոճանապարհը սպասարկող ընկերությունների կողմից թափված աղը: Տավուշցի վարորդներն ասում են, որ ձմռան խավար գիշերները իրենք երբեմն չեն նկատում ճանապարհին թափված աղը լիզող ձիերին: Տավուշում, միջպետական ճանապարհին անասունների հետ բախման հետեւանքով շատ ավտոմեքենաների տերեր են դարձել ճանապարհատրանսպորտային պատահարի մասնակից:
Ոսկան ՍԱՐԳՍՅԱՆ
